عن تجربه شوفوا كيف أحفر نفسي لشغل المطبخ

السلام عليكم
مساءكم فل
عندي لكم طريقه عن جد جربتها بتنظيف المطبخ
اولا انا اخترت شغل المطبخ لاني احبه
بقولكم كيف اخفف ع نفسي تعب
اولا جيبي حوض كبير وحطي فيه ماء وكلوركس
وانتي تطبخين اي شي ارميه فيه طبعا الماء دافي لازم تشغلين السخانه ع طول برمضان لان الماء الحار يشيل الزيوت والعجين ويطلعها بسرعه
بعد الفطور صلي وع طول غسلي مواعين الفطور وجمعي الزباله تكرمون على اللفظ
ونظفي الطاوله
وروحي اشربي شالاخبار بنعناع يهدي أعصابك
السحور كذالك غسلي اول باول
حاولي لانمتي يكون المطبخ نظيف وطلعي الزباله وشطبي عليه
عشان لادخلتي يفتح نفسك تطبخين
طلعي اللحم والدجاج وأوراق السمبوسه والأشياء المفرزنه وحطيه تحت بالثلاجه
عشان تفك ع مهل وما تخرب من قوه الحر
اذا صادف وعندكم عزيمه او طلعتي سوق او مشوار او تعبانه مره ماتقدرين تشتغلي اول باول
باق ولكم اش اسوي
لما يكون مطبخنا معفوس
أحفر نفسي وادلعها
يعني اجيب الايباد وجهازي الايفون واحطه بشاحن عندي بالمطبخ اتجهز يعني لاخلصت القاااه فلّ لان دايم يطفي يطفش نئ ويقطع حبل أفكاري
يعني كاني أكافئ نفسي لاخلصت استانس فيهم
اروح لغرفتي اطلع لي بجامه حلوه واعطرها من عطري عشان تريحني
والبس قميص حق شغل يفشل هههه مستحيل أقابل احد فيه وعادي يكون شمرر عليك مايهم
وانظف واخلص بكل شي والمعه والعبي بالماء والصابون وادخلي مرحلة تحدي مع المواعين ترى القدر ماي خووووف عل اني ودي ارمي القدور هههه واجيب بلاستك بس ماينفع بيميع قدرنا
وحطي بعقلك شخص عتبانه عليه او منقهره منه وودك تكفخينه وربي ماتدرين الا وانتي مخلصه
انا اذا تضايقت اقوم انظف واكرف واحط حرتي بالبيت هذا احسن شي
اذا خلصت ياسلملم
تمتعي باحلى دش والعبي برغوه فواكه منعشه ترى حلوه اللي بنكتار
والبسي بجامتك المعطره
وسوي لك مشروبك المفضل
ياما عصير اوكوفي او شاي اخضر او بابونج
وتمتعي وانت مسترخيه
وأجهزتك الشحن فل
كذا بتنبسطين وتحسين انك بسعادة حلوه
مطبخك نظيف
جسمك نظيف
ودلعتي نفسك
سووها يابنات وربي انا مرتاحه كذا عند اهلي وامي معجبه شغلي ودايم تدعيلي
اقولكم سر ثاني
انا اذا اشتغلت احط براسي طليقي واتذكر ضلمه لي
وانقهر وافضفض عن نفسي بشغل وبكذا اكون ارتحت نفسيا
كل من اعجبها موضوعي تدعي لي ولولدي