عن شوفة النفس احكي لكم قصتي💔 ( القصة منقولة )

عن شوفة النفس احكي لكم قصتي💔
كناخمس سلفات انا الخامسه واخوات زوجي خمسه متزوجات وعندهم بنات واولاد كنا عائلة كبيرة نوعاً ماء
وكنت احب اسوي لهم فعاليات بالاجتماع وحركات وكيذا
انا وثلاثة من سلفاتي بس هم الي يتحمسو ويشاركوني
ونتفق وكيذا الرابعة لازم انا اقوله جيبي كيذا وسوي كيذا
كانت دايم تستفزني واحطمها بوجهها اقوله انتي ماتشجعي يابرودك ياشيخه كانت تبتسم وتسكت
وانااحطم وبنفس الاجتماع احاول مااخليها تنبسط لامدحو شغلنا اقول الاذي تراها ماسوت شي البارده اللي مااعرف ايش بختصار انا الدنيا مقبله علي وكل شي على كيفي وابغا الكل زيي عندي سواق وزوجي مشيلي مصروف اطلع وادخل زي ماابي
اقصى همي ارسل بالواتس واقول يالله نبي فعاليه وياويله الي تقول ماقدر اشن عليه حمله انتي ماتحمسين انتي بك ونتي فيك
ويالله ارسل من هينا واخذ صرافتي وطلع لسوق من هينا وهات يا شراء انسق احلى الاشياء وابدع احلى الحركات
وابالاجتماع الكل يمدح فيني وواهم الشي التصوير يسلمو يافلانه وحركات فلانه
وهذيك مازلت متسلطه عليه اقول يالله ورين وش سويتي
والضعيفه تجيب جهدته الى اهله يفزعون معه ويساعدوها ويعطوها من اشيائهم
وادري انا اواثقه بعد انه عشاني وارضاءً لغروري
من شدة الفضاوة والروقان الي وصلتله ان كل وحدة تجيب اكله وتقدمه وتلبس نفس الزي حق الدوله الي طبقت منها الاكلة🍔
راحت الايام وقدر الله لي وتعبت
ورم بصدري على طول تنومت وبدت مراحل العلاج بلمح البصر
على فراش المرض وتعب وهم العلاج بدا مايخطر فبالي
الا السيىء من عملي
ودايم تجي زوجة اخو زوجي فبالي وكيف اني احطمها وتلذذ بكسرها قدام حمولتي
في ليلة من اليالي مانمت من الالم موالم المرض لا الم الضمير
قلبي يوجعني على الي سويته فيها لامرة ومرتين بكل اجتماع احطمه ومافيه برودكاست يحطم او مقطع الى وجهته له بالقروب بالعربي استقعدت له لا وهي بجتماعنا ولا وهي فبيته
مالكم بالطويله افتح الواتس على طول وارسله تعالي لي اول ماتطلع شمس بكرا 💔
اطول ليلة فحياتي انتضر الشمس عشان اشوفه اعتذر منه اقوله غرتني الدنيا وعافيتي والفلوس الي على قولتهم مضيقات علي مدري وش اسوي فيهن
صار الصباح ونتضر ماجت قلت شكلها خلاص ماهي جايه مسكت جوالي برجع ارسله
الا وباب الغرفه يطق قلت تفضل الا وتدخل هي
سلمت ودعت جايبه معها سلة قهوة وعلبه فيهاتمر
سله فيها انواع البساطه وقهوة طبخت بحب وتمر منقى من قلب كان الذ فنجال قهوة ذقته بحياتي والذ تمر استطعم فيه من دخلت المستشفى
نسيت اقولكم ترا غرفتي كلها ورد وافخر انواع التشوكلت
ماحد يدخل ايده فاضيه بس ولاشي لامس قلبي
الا قهوتها وتمرها حسيت انها جايه تلبي حاجت مريض يمكن يكون اخر طلب له بالحياة
اناضر فعيونها ابي اقولها سامحين ماقدرت استحي اطلب منها شي من ابسط حقوقها
مر تقريباً ساعه على وجودها فقالتلي امري ياخيه بغيتي شي مني قبل اروح جايبني اخوي الصغير ولاابية ينتضرني كثير
هينا اناصحت وصحت وصحت لين شبعت قلتلها سامحين وحللين على كل شي سويته فيك
ارفعت راسها وقالت مسامحتك لاكن سامحتك بس من يوم قالو لي عن مرضك وشفت الحين وضعك
تقولي ترا كل ماارسلتي ولا قلتي يالله نطلع ونبي نستاجر هالشاليه الفلاني وبنطلب هالبوفيه وكل وحدة تجيب حركه معها الا اقول حسبي الله عليها الله يشقيها بنفسها
تقولي تضنين ماودي اصير زيك بس مااقدر
لافلوس على كيفي ولازوج طيب بيقضي مشوايرايك وطلباتك الي ماتخلص
قالتلي بختصار كنتي هم على قلبي مادري الاقيها منك ولامن ظغط الحياة وطلبات البنات والبيت الي ماتخلص لاكن مجبورة اجاريك
مابي اصير انا وبناتي اقل منكم بالاجتماعات
ولاابي اقطعهم من اهلهم
لاتضنين اني شاحه على نفسي وبناتي مستحيل احد معه ويحرم نفسه وبناته الاستمتاع بالدنيا لاكن مامعنا الي يكفي ايه زوجي يحتاج وينزنق وينفس ويتسلف
وناصابرة ومحتسبه ولاابغى احد يدري عن حالنا
ببساطه حملتيني اكثر مما اطيق💔
قامت جلست على طرف السرير ومسحت دموعي ومسكت يدي قالت وربي يشهد على كلامي كنت ابيك تنشغلين عنا بحياتك بس وطلعاتك
ماتمنيتلك ابد المرض !!!
عساك مني بحل.
💔
#منقول