عوانسكو

السلام عليكم ورحمة الله وبركاته

كان يامكان في قديم الزمان ، كانت مجموعة بنات تقريباً 10 بنات قرايب وصديقات بنفس الوقت كانوا يجتمعون ويسولفون سوالف بناتية حلوة وكلها فرفشة ويتكلمون عن المستقبل المجهول وحديثهم مايخلى من تمنياتهم البرئية الي كلها طلب من الله بزوج صالح وذرية صالحة ، وكانت سوالفهم حلوه كلها ضحك ووناسة وكانوا لانهم كلهم بنات واعمارهم فوق العشرين اطلقوا على نفسهم نادي عوانسكو من باب الغشمرة وكانو كل اسبوع تقريبا يلتقون بمنزل وحدة منهم وكانوا المتزوجات يحسدونهم على لقاءاتهم لان ممنوع اي متزوجة تدش وتقعد معاهم وتعرف اسرارهم واذا حشرت نفسها تلقى من البنات الي لابد وحدة او ثنتين منهم خوات لها يسكتون او يتأففون وبالتالي تسحب نفسها وتروح وترفع بنات النادي شعار النصر بضحك طبعاً .
تمر السنين وتنسحب بنت بنت من النادي العام تزوجت بنتين من النادي والي قبله بنتين والي قبله ثلاث ومع كل زواج كنا نتفائل ونتحمس ونستبشر بالخير ان الدور جايلنا ، ومع بداية هالعام وبالضبط بشهر مارس ملجت بنتين بيومين ورى بعض ماشاء الله ومن هالبنتين اختي الصغير الي اصغر مني ب13 سنة لاتحسبون اني عجوز :) انا عمري 31 واختي 18 ماشاءالله جاء نصيبها مثل خواتي الثنتين الي اصغر مني بعد والي اطفالهم دشوا المدرسة حاليا ماشاء الله .
عوانسكوووووووووووووو اشتقت لايامك ومع هذا ابي فراقك ؟؟؟؟؟؟؟؟؟
وين بنات النادي؟ هييييييييييييييييييييييييييييييييييييييييييييييييييييييه وينكم؟ محد يرد علي؟
:( كلهم تزوجوا الله يباركلهم ويهنيهم يارب
حتى البيت فضى فيني ماعندي اخت اسولف معاها؟؟؟؟؟؟؟؟
انا الوحيدة بالنادي والوحيدة بالبيت
تمر السنين وانا مثل ماانا ، قبل يومين ولاول مرة بحياتي حسيت بضيقة شديييييييييدة وقمت ابكي بهستيريا مع اني متدينة والحمدلله واستغرب ليش هالضيقة؟ يمكن لاني احس حياتي مالها قيمة؟ ومالي هدف؟ ابي اتزوج وابي تكوين اسرة؟ وابي اصير ام؟ والوقت مضي؟ وعمري مايسمح بالتأخير أكثر؟ حتى صديقات ماعندي ؟؟ قبل بنات النادي شاغلات وقتي والحين عرفت قيمة الصديقة؟ بس وين اجيب صديقة مثلي آنسة؟ بهالعمر؟ صعبة .
اييييييييييييييييييييييييييييييييييييييييييييه الله كريم بنات تكفون ادعولي الله يرزقني الزوج الصالح والحنون والله ماحب اشكي لان الشكوى لغير الله مذلة بس قلت افضفض شوي يمكن ارتاح والقا من يواسيني ولاتنسون دعوه بظهر الغيب تستجاب انشاء الله
:( احس اني وحيدة وغيرمرغوب فيها مع اني موناقصني شي وعندي وظيفتي الحمدلله وماني جيكرة وخطبوني 3 بس الوالد رفضهم يقول مايناسبوني وانا احترم رايه لاني اثق فيه :( ادعولي واسفه على الإطالة .