عودة ........؟!

السلام عليكم ورحمة الله وبركاته
بنات من فترة كتبت مشكلتي مع زوجي واني اكتشفت انه بخوني اكتر من مرة
المهم من فترة حلف ميت يمين انه ما يرجع وخلص بس همه بيته وبنته وأنا
بس احساسي حكالي انه ما بطل وانه وراه قصة طويلة …
حاولت وحاولت اكشفه بعدة طرق ما قدرت وخصوصا انه دايما كنت احلم انه بحكي مع بنات وكشفته
وحكتلوه هذا الحكي بس حسسني انه الموضوع عادي وما همو شي
المهم كل احلامي طلعت صح وكل احاسيسي طلعت صح ....
بالآخر لقيت انو الحل اني اخذ موبايله الصبح وهوي رايح على الدوام واشوف اذا بتجيه مسجات أو لا ...
وكل يوم احاول اني اخذ بدون ما يحس على اساس يفهم انه ناسيه ...
اليوم حلمت انه متزوج وصحيت متنكدة من الحلم .. فقررت انه لازم ألاقي طريقة اخذه ودليت أدعي اني أقدر اخذ اليوم لأنه كمان اجاه تلفون الصبح انه ما عنده دوام بالشغل اليوم في عنده شغل خارج الدوام ... فحكيت لازم اليوم ألاقي طريقة اخذه ... والحمد لله أخذته .. بس هوي اكتشف انه مو موجود وكسر البيت وهوي يدور عليه وخلى البيت فوقاني تحتاني يعني قلبه قلب ... بس ما طلعت الموبايل وطفيت الرنة...
المهم حكى معي من موبايل تاني وحكالي ارن عليه بعدين صار يحكي خلص خليه هلا بجي من الدوام وبرن عليه بس اخذ موبايلك ارن عليه منه .... واجى على الدوام وأخذه.. وما لاقى الموبايل.
طبعا هوي زبطت اموره على اساس ما احد يبعت بس في شي انا كنت بشتغل عليه من فترة وهوي كيف بدي اعرف كلمة السر تبعت موبايله ... لأني حاولت أدخل على الشركة إلى هوي موجود خطه عليها .. قبل كم يوم حاولت أدخل عليه بس حكالي ايش كلمة السر حاولت وحاولت وبالأخر بعت كلمة السر على موبايله للأسف .. فحكيت ما في غير اخذ الموبايل وابعت كلمة السر عليه واشوف ....
وبعت كلمة السر ودخلت على اشتراكه وللأسف اكتشفت هوي مع مين بحكي ...
مع البنت إلي بحكي معها إلو فترة طويلة وهوي على أساس تركها وبطل يحكي معها ....
مو عارفة ايش اعمل ولا عرافة ايش قصة هاي البنت ..
بس هلا حاسي انو كل شي حكى عن البنات التانين كذب بس عشان يغطي على هاي البنت وبس ....
بدي ارجع الموبايل بس مو عارفة وين احطه لأنه قلب البيت عليه ؟
ومو عارفة ايش اعمل معه انا كتير تعبانة ومحتارة وما لقيت حد ينصحني غيركم
ايش اعمل ما حد واقف معي ولا حتى أهلي عشان ما أطلق
شو اعمل دلوني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟