عودة فال وتنعيم الجسم وتفتيحه ( 5 )

دربد دربد دربد دربد >> تقحص ع اسياب المنتدى



هلا والله صبايا اخباركم وكيف صحتكم

الزبده هالمده خربطت فيها زي م يقولون بسبة الاختبارات وابشركم جبت العيد
ع خير


عاد لا تحسبون رحت عند الكتب لا ابد ونهي رحت ادور خلطات من تحت الارض
ورجعت لكم والحمد لله عاد شسمه مثل ما عودتكم انا لما اكتب خلطه م حب احلف فيها لأن كثرة الحلف م يجيب فايده وكثير اشوف ناس تحلف بالله وتقسم وبالاخير نجرب وما يطلع نتايج فعشان ما اظلمهم يمكن ناسبة لبشراتهم وكالعاده ما احب الا الاشياء الطبيعيه ولو في خلطه فيها حبوب او شيء داخل بالطب والحركات البايخه ما حبها لو تطلعني سوريه الق لقان اهم شيء صحتنا يا بنات لحد تاخذ خلطه فيها كلبوزون مدري وش يسمونه او غيره او وحده جابت من الصيدليه شيء وفادها ترا كله اخرطي وتناسب ع بشرتها مثل ما وصفوها لها وتجي المسكينه تخبر وماتدري ان فيه ضرر للثانيات

ما اطول عليكم حبيباتي كنت بسوي حساب لتجاربي الشخصيه بالانستا بس هنا بالمنتدى ما يقبلون اي وضع حسابات المهم انا طبعا استخدمت خلطه وهي تنعم نعومه م شاء الله تبارك الله من اول مره وانصح انك تستعملينها بعد ترويشتك لان بشرتك بتكون ناااعمه ذس از سمسم نونو واللي متزوجه عاد تروح عند زوجها وتحط من ذيك الحركات اللي خبري خبركم اللي م تعرف كيف تروح مثلا تقول امسك ذا ( اي شيء لو ملعقه او سكينه وتلمس يده عشان ذا شسمه خلاص عاد تحمستم قلبي العزوبي الصغير ما يتحمل خلونا نقطع السالفه ذي

المهم الطريقه الله يسلمكم اقصد المقادير واضح اني فهيت مع الشرح اللي فوق

- نص كاس او كاس زيت زيتون او زيت عافيه ( للمعلوميه انا استخدمت زيت عافيه )
- ملعقتين كبار عسل ( انا اكثر العسل اكثر من ملعقتين لأني ادري العسل مفيد )
- ملعقتين كبار ليمون ( انا احط نص ليمونه )
- كاس سكر خشن ( انا استخدمت العادي لاكن مو الناعم خذي خشن عشان يسوي تقشير )


الطريقه :

- تخلطين المقادير مع بعض السكر بعدين الزيت بعدين بعدين العسل بعدين الليمون بعدها تخلطينهم خلط كويس لما يختلطون مع بعض وتتركينهم بالحمام لما تجهزين نفسك للترويشه وتتروشين طبعا عادي كأي ترويشه بس بالصابون وبكلش وتنظفين جسمك من كل شيء وبعدها تاخذين الخلطه وتخلطينها مرهه وتبدين تاخذين بيدك وتوزعينها على جسمك كلها وركزي على المناطق المسمره او الداكنه مثل الركب او الاكواع او الابط ... وتفركين جسمك بيدك على حركات دائريه بس بخفيف عشان جسمك لا يتجرح لان السكر خشن هو يسوي تقشير لجسمك وسوي دلك وفرك على الخفيف من 5 الى 10 دقائق واجلسي دقيقه وادخلي تحت الدش وروحيه بيدك وبالمويه فقط من دون صابون فقط مويه وخلاص وكيذا خلصت الترويشه حقتك واطلعي وحطي اي كريم على جسمك لو خفيف اصلن انتي بتحسين انه ما يحتاج لان الخلطه نعمت جسمك لاكن زيادة الخير خيرين


تحذير : اللي اعرف ان ذوات البشره الحساسه يتجنبون الليمون فعشان كيذا حذرتكم حفاضاً على بشراتكم الجميله ولا انا بشرتي حساسه وعادي ناسبها الليمون والحمد لله فما ادري عنكم اذا حسيتي وانتي حطيتي الخلطه في حكه اغسليه ع طول عشان م تتأثر بشرتك من الليمون وتخرب






تجربتي في هذي الخلطه :
انا جربتها قبل 3 ايام وراح اعلمك مشكلتي انا عندي سمار خفيييف مو ذاك السمار لا سمار من الممكن ما ينوضح بس انا عاد متعقده منه:024: ويوم جربت الخلطه فتح تفتيح بشكل ملحوظ خلال 3 ايام او 4
وكمان وجهي والحين الحمد لله احسه خف مع الخلطه وجيتكم ركض عشان اعلمكم والحمد لله راح استمر عليه بأذن الواحد الاحد

ومع الاستمرار راح تشوفين في تفتيح وزياده نعومهههه غير شكككلل