عودة مع الهم والخادمات ,, إذا قالت أبسافر وقامت تطفشك وش تسوين ؟؟أنتظركم يالحبايب

السلام عليكم

يابنات إذا تعاملين شغالتك بمايرضي الله وتعاملينها برحمة ورفق ومايبان في وجهها ,,
وكل شوي تمرض أو بالأحرى تتميرض وتطفشك كل يوم أنا في تعبان ,, وهي ماهي تعبانة أحيانا ,,
إن كانت تعبانة زادت الحال ( شوي الكحة ويسمعونها الجيران )
وإن كانت ماهي تعبانة , تمثيلها ذبحني ,, بس تتميرض ,, وتقول أنا أبغه سافر ماما ( مع العلم مالها الا 9 شهور ) قلت لها وش السبب ؟ قالت أنت كويس بس أنا مايبي أجلس وأشتغل ..
( يابنات كنهم في سياحة يجون على كيفهم ويروحون متى مايبون )
بالنسبة لبنات السعودية وش يسوون في حالتي ,, إذا مافي حماية مستهلك ولا أحد يدافع عن حقوقنا ,,
وش أسوي معها ,,
أول تقول سفريني على حسابك ,, يوم قلت أنا ماعندي شئ أسفرك فيه ,, وخاصة أنت رايحة بعد 9 شهور ,, لو سنتين غصب عني أوديها على حسابي , بس تسع !!!
المهم قالت على حسابها بتسافر ,, يعني تكمل بس شهرين وتحذف منهم سعر التذكرة ,,
وتخطط على كيفها ؟
طيب وخساير المكتب ( باقي سنة وشوي ) وخساير الفيزا .....
ولا همها يابنات ,, أقولها بعدين مكتب ياخذك ويحطك ( بالمتسولين )
تظحك وتقول ,, مايقدر ( سفارة أنا ودي بلد )
المهم أنا سكت ,, كل يوم تطفشني وتتمغط وتتميرض وشكلها تتنتظر أسفرها ,,

يابنات سؤالي بس ,, هم على كيفهم يقعدون وعلى كيفهم يمشون ؟
مع العلم أول ماجت 3 شهور ( مدة التجربة من المكتب أو نسفرها ) كانت قمة , بس خلصت جننت أبو أبوي , وش السوات مع هالأشكال مع العلم جنسيتها ( سيرلانكية )
والطامة لما تركتها تحن شهرين ( وديتها أحلل لها طلعت حامل )
بس الحمدلله حامل من زوجها ( وزوجها يشتغل عند أحد قرايبنا )
ولا همها ,, أقولها كيف تحملين وأنت ملتزمة بعقد معنا شغل سنتين ؟
تضحك وبعدين تبزر عيونها فيني , (هذا الله جيب وبعدين أنا أبغه جيب ولد )
ولا همها وش أقول , وتقول إذا شوف أنا سفارة حامل ,, في ودي بسرعة أنا بلد ,,
مره تهدد ومرة تتميرض ومرة تتوحم حومت كبدي ومرة ومرة ومرة وووو
ماأدري وش آخرتها معها ..
اللي جربت مثل كذا تقولي ولكم دعوة في ظهر الغيب ,,


ها ياحلوين تراني أنتظركم قبل لا تطلع الشيب في راسي ,, مع أنه طلع وأنتهى \
حسبي الله ونعم الوكيل