جزاك الله خيرا

سلام يا صبايا

بتابع الموضوع بس الفكرة اليوم غريبة نوعا ما و اتوقع يكون في نقاش حولها

حاولي جهدك انك تعودي زوجك يقوم ببعض الاعمال بالبيت و مع الاولاد

من مطالعاتي بالمنتدى لاحظت تركيز كبير على اعفاء الزوج اعفاء تام من بذل اي جهد داخل البيت او مع الاولاد، لكن برايي هذه اكبر غلطة تقع فيها الزوجة ، لانها بهذا الشكل تحول زوجها الى مجرد ضيف داخل المنزل

و لا تقولولي الرجال برجع تعبان و حرام نتعبه اكثر، الهدف مش اننا نتعبه اكثر،
الهدف متل ما حكيت قبل انه يحس بفاعلية اكبروارتباط اكبر بالبيت و بنفس الوقت يقطع عليه عملية التذمر لما يمد ايده و يساعد بحس شوي معك و بتعبك مثل ما بتحسي معه و بتعبه

و ما بحكي عن اشياء كبيرة و عظيمة، بحكي عن اشياء بسيطة:
بالنسبة الي انا خليت زوجي هو المسؤول عن اخراج الزبالة برا البيت، و كمان جرة الغاز ما بصيبها هو بجيبها و بغيرها، و نفس الشئ بالنسبة لكهربائيات البيت من تصليح و تبديل

من ناحية ثانية، مرة او مرتين كل اسبوع بختفي داخل غرفة النوم ساعة عشان استرخي اقرا او افتح انترنت و بخلي الاولاد مع ابوهم

و ايام الجمعة بتلاقينا بنقسم العمل بيننا، اذا برتب هو بمسك اولاده و اذا بحممهم هو بلبسهم و هكذا

و هيك بحس اننا مترابطين اكثر و في بيننا نوع من الندية و المشاركة في كل شئ و الزوج ببدا يتفهم ايش معنى زوجة مش خدامة و حتى علاقة الاولاد مع والدهم
و الحمدلله قوية
العملية ممكنة للجميع لكن حديثات الزواج ممكن يطبقوها بشكل اسرع، اما اللي الهم فترة العملية ممكنة بس بدها طولة بال و صمود على المواقف، ولا تحكوا النا زمان متزوجين و ازواجنا ما بتغيروا

انا سلفتي الها 17 سنة متزوجة و لما شافت كيف بنتعامل ، بدت مع زوجها على نفس الفكرة و طلعت نجاح صحيح مش هائل بس في تغيير عن قبل و ما كانت تتوقعه

شكلي ثقلت عليكم بالحكي و بطأت بطرح الافكار لانه عندي كلام كتير و حكي كتير و كله عن تجربة لاني الي 5 سنين متزوجة و الحمدلله اللي بحكي عنه ريح حياتي و خلى العلاقات متوطدة بعائلتي علما انه زوجي رجال مخه ناشف لكن باسلوب او اخر قدرت اغيره حتى اهله كانوا يخافوا منه و هلا الحمدلله متونسين فيه

بتابع الموضوع قريبا انشاءالله و اذا في اسئلة او نقاش يا ريت

الف شكر للاخوات على المتابعة و فعلا حمستوني على متابعة الموضوع
و اعتذر على التاخير في الرد

الاخت نور عمر
سؤالك صعب الاجابة عليه لانه ظرف جدا صعب و الزوجة في هذا الوقت يفضل انها تصبر و تتحمل
لكن القصد انه الزوج يكون عارف انها صابرة و متحملة فقط لفترة الازمة و لما يلافي وظيفة انشاء الله لازم اول شئ اساسي يخصص لك مصروف خاص
و كان الله في عونك و عون زوجك
و ارجو اني اكون افدتك

ممتااااااااااااااااااااز

سلام للصبايا

فكرة الموضوع بيتعلق بطريقة تعاملك مع اهلك و بالتالي تعامل زوجك مع اهلك

اسمعوا مني يا صبايا و حطوا هالكلمة حلق في ودانكم( يا ماما بحكي متل جدتي)

اهلك سندك و عزوتك و كل ما رفعتيهم فوق زوجك برفعك فوق و ما يسترجي يتطاول عليك لانه في وراك ناس و انت مش قليلة


و يا ريت ضروري تخصصي يوم بالاسبوع تزوري اهلك مع زوجك و الاولاد( ضروري و لازم الزيارة تكون مع زوجك يعني لو رحت لحالك هادي ما بتنعد زيارة)

بس اللي طبقوا الفكرة السابقة عن التعامل مع اعل الزوج رح يلاحظوا انه الزوج تلقائيا بصير يتعامل مع اهلها باحترام و تقدير و متل ما بتتعامل الزوجة مع اهل زوجها اهلها رح يتلقوا معاملة بالمثل من الزوج العتيد

و دايما جيبي اخبارهم الحلوة بالفخر و الحب و اهلي عملوا و اهلي ساووا( بس انتبهي مش تخلي الموضوع مقارنة بين اهلك و اهله ترى هاي غلطة خطيرة خطيرة)

حتى الهدايا اللي منهم كبري من شانها

احكيلكم فكرة كنت اعملها وقت الولادة كنت اتفق مع اهلي اضيف على المبلغ المخصص لنقوط الولادة و اختار بنفسي هدية تكون فخمة و مميزة اللي يشوفها يحكي اهلها عاملينها ملكة مع انه بيني و بين اهلي اكون دفعت مبلغ و قدره بس عشان اكبر صورتهم

شو رايكم بالفكرة؟

و الاحلى من هيك اني عودت زوجي انام عند اهلي مرة كل شهرين اقضي معهم وقت و ابعد عنه شوي و لما ارجع لبيتي يكون مشتاق لي و للاولاد

و بعذه الطريقة استفدت:
1) بكرمني و بكرم اهلي و بعرف قيمتي زيادة
2) بضطر انه يقوي علاقته مع اهله عشان يماشي علاقتي مع اهلي

و كسبت صلة الرحم بالجهتين

شو رايكم يا صبايا؟
ارجو انه يكون الموضوع اعجبكم

و انشاء الله بتابع قريبا