قبل كل شي الله ينجينا من النار ويجيرنا من عذابها وحرها امين ياااااااااااااااااااااااااارب العالمين
كل واحد يجيب كبريت
ونشعل عود كبريت واحد
وخلي العود يحترق وتاكله النار وهو بين اصابعكم
كم من الوقت راح تتحملون والعود يحترق والنار توصل لاصابعكم ؟؟؟؟؟؟؟؟؟
بالنسبه لي ولا دقيقه على طول رميت العود ماقدرت اتحمل حسيت بالحراره يااااااااااااارب غفرانك هذا عود كبريت فما بالكم بنااااااااااااااار جهنم والله ما اقدر عليها ولا انتو تقدرون عليها ونار الدنيا اخف من نار جهنم
ياللللللللللللللللللللللللللللللللللله يارب ارحمنا برحمتك
صدقوني الدين يسر الرسول اوصانا بانه نتقي النار ولو بشق تمره والتساهل هالايام في امور الدين شي عظيم صار اكبر اهتمامنا دنيانا مع انه الدنيا فانيه وزائله وصرنا نتساهل حتى في الصلاة اللي ياخرها والله يجمعها واللي يفوتها واللي يصليها وهو ماشي اهم شي يصلي وخلاص ولا تلاقينا نصلي ونصوم ونتصدق وحريصين على دينا بس ماشاء الله اللسان شغال هذي دبه وهذي ملقوفه وهذي حشريه ويالله شغالين غيبه في فلان وفلانه ونقول لا احنا نصلي وان شاء الله ربي يعفو عنا ولا مره وحده نستهزء في فلانه ماسوينا جريمه عادي كلام والمصيبه ان الناس يدخلون النار بسبب السنتهم اموووووووور كثيره نجهلها في دينا مانحرص عليها مثل مانحرص على امور الدنيا يعني الواحد لما يجي يشتري بيت يحرص انه البيت هذا يكون ممتاز من جميع النواحي بناء وتصميم وديكور واثاث ومكان مميز ومريح يعني يحرص عليه عشان لما يسكن في البيت ماتطلع له مشاكل وبلاوي هذا يبي له تصليح وهذا يبي له تزيين يعني من الاساس يهتم فيه لكن من ناحية اصلاح النفس وتربيتها على طاعة الله ورسوله والعمل على تجنب ما يغضب الله هذا مانحرص عليه لا عادي نقول الدين يسر بلاش وسوسه الله المستعان يعني بكره لما اواجه ربي والاقي اني مقصره مافي مجال ارجع للدنيا واصلح اللي خربته لا ماهو بيت اشتريته وممكن ارجع اصلح فيه او فستان فصلته وماطلع نفس اللي ابيه وممكن ارجع اشتري واحد ثاني بدل عنه لااااا خلاااااااااااااااااااااااص نار او جنه مافي رجوع من الان اصلح نفسك من الان جهز لاخرتك لجنتك بتتعب بتشقى بس العمر قصير اتركوا عنكم الغيبه والنميمه والكلام اللي ماله داعي والكبر والغرور واعفو عن الناس وصفوا نياتكم واحرصو على صلاتكم واحرصوا على سنة نبينا محمد صلى الله عليه وسلم واتركو عنكم الماسنجر وبلاويه واستخدموا الانترنت فيما يرضي الله واتركوا عنكم المظاهر والاسراف وتذكروا انه في ناس محتاجين وارضوا باللي اعطاكم الله سبحانه وتعالى ولاتغركم هالدنيا ومغرياتها والجنه تستاهل وربنا كريم ورحيم ومجالات العباده والطاعه والخير كثيره وكلها تؤدي لطريق واحد الجنه
هذي بس جنه في الدنيا وشلون جنه الاخره الله المستعان
بنات تخيلوا في امور تخصنا يالنساء في ديننا نجهلها ولا احنا حريصين عليها مثلي انا ماكنت ادري انه المراه اذا سقط الجنين وهو لسى مانفخ فيه الروح الدم اللي يخرج من رحمها مايمنع الصلاة تصلي وتصوم عادي مو مثل اللي يكون متكون الجنين فانه يعتبر الدم فاسد ولا يجوز لها انها تصلي والله اعلم يارب لاتؤاخذنا اذا نسينا او اخطأنا
تكفون احرصو يابنات على الامور هذي والله الامراض انتشرت وموت الفجأه صار بكل مكان وبكل وقت والحياة الدنيا قصيره ماتسوى انه الواحد يشتريها ويبيع اخرته انا مايمر اسبوع الا اسمع فلان مات وفلانه ماتت يامرض يافجأه مافيهم الا العافيه واحذركم من المواقع اللي هالايام منتشره وفيها فساد الله يتوب علينا بنات وشباب يعرضون اجسادهم وانفسهم بحجة الصداقه والتواصل مثل الفيس بوك والنت لوق ومواقع التعارف والماسنجر والسكاي بي كلها تساعد على نشر الفساد اللي يقدر يستخدمها كوسائل للدعوه الى الله والنصيحه والامر بالمعروف خير وبركه واللي مايقدر ويخاف على نفسه من الفتنه يتركها لله والعوض عند رب العالمين
اســــــــــــــــــــــــــــــفـــــــــــــــه :26:
طولت عليكم بس انا احبكم واخاف عليكم وابي الاجر من الله واتمنى للجميع الاستقامه والهدايه لانه مافي احلى من انه تكون النفس مطمئنه في ظل الاحداث اللي صايره هالايام بصراحه تروع
اللهم اغفر لي ولوالدي وللمسلمين والمسلمات وللمؤمنين والمؤمنات الاحياء منهم والاموات
اللهم اجرنا من عذاب النار اللهم اجرنا من عذاب القبر وظلمته ووحشته ودابته اللهم احيينا حياتنا طيبه لعبادتك وطاعتك اللهم احسن خاتمتنا ووسع مدخلنا واجعل قبورنا روض من رياض الجنه ولاتجعلها حفر من حفر النار اللهم امين