عيااااالي الله يصلحهم شوفوفولي حل الله يرضى عليكم

هم اثنين الله يهديهم ويصلحهم ويطول بعمارهم 4 سنوات ونصف و3 سنوات شقييين بالحيل عجزت اربيهم واسيطر عليهم ووجيهم كلها مخاميش غير التكسير :angry:الله يحفظهم بس لدرجة انهم يضربون حتى اخوانهم الكبار تخيلو شهريا نتقضى اكواب وكاسات وفناجيل غرفتي وغرفتهم ابواب دواليبهن راحن بخبر كان كل شي يتعبثون فيه حتى الجوالات والادوات الكهربائيه ماادري كيف اربيهم واسيطر عليهم ماخليت شي مااستخدمته معهم من اسلوب حرمان وترغيب ماادري ايش اعمل خايفه يوذون بعض لان كل مالهم بزياده حتى الالعاب تنتهي صلاحيتها بالسياره قبل حتى ماناصل البيت تخيلو الثلاثاء الصغير فلق اخوه وبغى يتصفى دمه لولا رحمة ربي كان ابوه بالبيت ووداه للمستشفى تصورو السنه هذي بس دخلن علينا 4 شغالات ولا تحملن الوضع وهجججججججن ( صارت شغلتنا بس استقبل وودع بهالشغالات) الكبير مره رمى على عين ابوه ببيالة شاهي وبغت تروح عينه لولا ستر الله . ( وانتن بكرامه )الحمام مايدخلونه الا بعد ساعه كامله من الترجي والتحبب والترغيب البجامه مايلبسونه الا بطلعة الروح النوم مستحييييييييييل ينامون الا بمزاجهم متى ماجتهم الناعوسه ان شاء الله الفجر لا ولايحبون افلام الكرتون ولا يطولون عليها بعد والكبير اشد لان هذا طبعه والصغير كان هادي بس صاااار يقتدي بالكبير والغريبه انهم رحووومين و مهم شرييين لان كل افعالهم يسووونها وهم يضحكون على بالهم لعب في لعب يابنات الله يخليكم هم طبيعيين ولا لا ؟لان قلب الام مايقدر يحكم وبعدين كيف اقدر اربيهم واسيطر عليهم ؟