عيادة نهلة ؟؟؟ استفسار

انا رحت عندها متابعات الحمل في الشهور الثلاث الاولى
و بصراحه ما عجبتني و غيرتها

تسوويلي سونار و هي تقرقر بالتلفون و ما تعطيج مجال تسألين

و بعد ما دخلت الرابع بفتره سألتها انا دخلت الرابع؟؟؟
قالت لي لا انتي توج داخله الثالث

ولما سوتلي اي تحليل من بدايه الحمل لين بدايه الرابع
مع اني اقولها احس روحي تعباانه و يمكن عندي ضعف
و كان عندي حرقان بالبول
ما سوتلي سالفه بصراحه مع اني طلبت منها تحليل قالت ما تحتاجين

كان عندي الم في بطني لما امشي
قالت لي لازم بيعورج
وزنج زايد وايد من زود الكسل و عدم المشي
مع اني عندي ديسك و ما اقدر امشي صح
بس وزني كان ناقص من بدايه الحمل 4 كيلو ساعتها
و من اخر زياره كيلوين
حتى سألتها كم كان وزني اخر مره
ساعتها قالتي اوووووه
وزنج ناقص كيلوين
عيل ليش انا اشوف وزنج زايد؟؟؟
يمكن عشان ويهج منتفخ؟؟ مع ا لعلم كنت اول مره اشيل النقاب يعني مو شايفه ويهي من قبل

و تهاوش بعد ما عندها احترام


انا الحين اراجع عند دكتوره ميسون القيسي
احسن منها بألف مره بصراحه
و معاملتها حلوه ووايد يمدحونها
و اعتقد تولد بعد بس ما اعرف وين

اسعارها اعتقد نفس نهله اذا مو ارخص
و الاحلى عندها السونار رباعي الابعاد

انصحج فيها

السلام عليكم و رحمة الله و تعالى و بركاته
اختي انا مع راي قوارير, كنت سرت لها الشهر ال فات بعد ما نصحتني بها وحدة من المنتدى, و انا قمت و سويت لريلي سالفة و وافق و سرنلها, و الله العظيم ما كملنا عندها حتى يمكن ربع ساعة, و انا ما عندي مشكل بس تاخر الحمل لي 7 شهور متزوجة , و قلت ابدء معاها, المهم سالتني يمكن بس سؤالين و بسرعة و انا اجاوب و انا اتكلم من داتي بنفسي و هي ما مسوتلي سالفة, و قالت لي تعالي بكشف عليك بالسونار و انا ما كنت شرب ماي نهائيا كشفت وقالت لي عندك تكيس ووصفت لي جلوكوفاش وقالت خوديه ست اشهر من غير ما اتقطعينه, و انا انصدمت و قلت لها كيف عندي تكيس و انا ما فيا اعراض من اعراض التكيس و دورتي الحمد لله منتظمة عدل, و قلت لها انا اعرف انو التكيس ينعرف اول شيء من تحاليل lh , fsh, اقولك ما كانت حتى تشوف فيني او تركز معاي فكلامي و قامت و قالت يوم تجيك الدورة تعالي. و بس والله كنت مصدومة, ولما يات حزت الدفع, انا اعرف 250 للكشف خادو عنا 300 . و لما رديت للبيت اشتريت الدواء و اخدت يومين او ثلاث ووقفت لاني ما اقتنعت بكلامها. والحمد لله الحين اتبع مع دكتورة في مركز الاخصائيين الطبي وانا وايد ارتحتلها تعطيك وقت و تبدى معاك شوية شوية و بشوشة تضحك و تسالف, و بدت معاي بالتحاليل و طلع عندي هرمون الحليب مرتفع و اخدت العلاج و ان شاء الله و باذن الله احمل ها الشهور ان شاء الله يارب

قواريـر & hninoussa
تسلمون لى والله على هل المعلومات جزاكم الله الف خير .....
اقول قوارير دكتوره ميسون القيسي اتولد في المستشفي ؟؟؟؟؟؟
لاني وايد خايفة من الخياطة بصراحة على الولادة الاولى (مستشفي الوصل) تم عندي الخياطة تقريبا جريب الشهر وما اتبطل ولا خيط الا يوم سرت العيادة وهم بطلوا لى :(

جزاكم الله الف خير
وربي يسهل على كل حامل يا رب

هي الغاليه تولد بس ما اعرف اي مستشفى بصراحه
انا موعدي عندها الخميس ان شاء الله لو تبين بسألج
و يمدحون خياطه د. ماريه الي معاها بالعياده يقلون ممتازه
عاد انا ما اقدر افيدج بهالشي
لانه ولادتي الاولى قيصريه

امممممممممم غربية ؟؟!!!

انتوا تقصدون دكتورة نهلة ابو سمرة ؟؟؟؟ الصرااااحه ممتازة وهي اللي ولدتني وايدها واايد واايد خفيفة في الخياطه .... بس صح التيلفون ترد عليه لان احيانا يكون عندها ولادة فتطر انها ترد على التيلفون