السلام عليكم ورحمه الله وبركاته
طبعا كل وحده منكم لها نفقطه ضعف او عندها لحظه يغيب عنها الحس والادراك
ويجون ضعفاء الانفس<<<<حلوه هذي, وياخذون الي يبونه
يمكن كلامي مو مفهوم للحين خلوني اقلكم موقف صارلي او بالصح دايم يصيرلي
انا عندي عيب من يومني بنت هو؟؟؟؟
اذا اكلم تليفون اروح عالم ثاني وافقد الاحساس بلي حولي واي احد يكلمني ساعتها اقول اوكي
امس بلييل الساعه 12 كنت اكلم:arb:جتني بنتي بغرشه بيبسي تبيني افتحلها
شوفو اش سويت
فتحتها وشربتها لا وقمت اجيب الكلينكس وامسحلها<<<كل هذا والسماعه فيدي
وبنتي ماكمله سنتين
الا يسالني شو تسوين قاعده تحوسين؟ قتله لا اشرب بنتك بيبسي
هنا هو سار كذا:32:
يقولي بيبسي؟؟؟ قتله ايه مسكينه خاطرها فيه:09:
قال طيب بخليج الحين مشغول<<<عارف من اقفل يرجعلي عقلي
والله من قفلت منه انط ذيك النطه مترين فوق من الصدمه واتم اتحلطم وبنتي تصيح تبي تكمل الجرعه خخخخخ
شوي الا يدق التليفون مره ثانيه ارد اسمع صوت زوجي ميت ضحك يقول عرفتي فايش مشغول:42:
ومره ولدي يبي اسكريم ونا رافضه رفض قاطع لانه تعبان من حلقه
كل مايجي يطلب ارفض لين دقه رفيجتي ونا مندمجه في السوالف جاني وطلب اشرت بيدي اوكي
هو استانس قالي اكيد اشرتله روح
قالي ماتعصبين؟ اشرتله لا
راح الحبيب اخذ اسكريم وهو حاسس بالانتصار
قفلت الا جاني وفي وجهه ابتسامه شريره قتله اش سوويت؟
قال والله ماسويت شي!
الحيت عليه وهو منكر اخر شي قال والله استاذنت منج!
انا صرت كذا:angry2: عرفت المصيبه
اخر موقف من كم يوم بنتي مسخنه وحرارتها عاليه مره راحت لعمها تبا تروح معه البر
جاتني امه (عمتي) تستاذن لها
انا ساعتها كنت مسحبه الفيوز
الا اقلها اوكي
تقلي بتروح البر فذا الحر
قتلها خليها بتتادب:icon32:
تقلي يعني عاااااااااااادي
قتلها عادي
ورجعت اكمل سوالفي خبر خير
سلفتي كانت معاي ع الخط قتلي بخليج الحين روحي لبسي بنتج
ونا بكل وقاحه اقلها ايه مسكينه بلحق البسها بل مايروح عمها عليها:o
واقفل منها من هنا ويشبك الفيش من هنا وانط للحوش ادور بنتي ما لقيتها
رحت لخالتي قالتلي راااااااااااااااحو
قتلهاالحقي عليهم دقت علا ولدها قالها..... قالها.....
انا حسيت الموضوع مو طبيعي اي بر فعز الضهر والبنت حرارتها عاليه بس ماحبيت اكسر بخاطرها
بوديها الدكان وراجعين
هنا انا تنفست الصعداااااء
ومثل هالمواقف واجد لا تعد ولا تحصا حتى :arb:صار يستغلني:(
اذا تذكرت موقف بخبركم بس ابي منكم تفاعل كل وحده تكتب متي تنسحب فيوزاتها
وترا الطبع هذا اخذته من امي الله يحفظها وكنت العوزها نفس الشي خخخخ
صدق كما تدين تدان:42:
عيناويه للنخاع @aaynaoyh_llnkhaaa
محررة برونزية
عيالج عارفين نقطه ضعفج....ياخذون الي يبونه منج ونتي ياغافلين لكم الله....تعالي فضفضي
0
576
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️