والله ما ادري هل هي من قله خروج الاطفاال والا عدم تفاهمهم مع بعض؟

انا عندي ٢ الله يحفظهم ٨ و٥ سنوات بنت وولد ،، ما عندنا هالمشكله ابد ،،

بالعكس طلعاتنا كلها سوى واحنا كل يومين نطلعهم حتى لو على محل مقاضي ههههه فاحسهم ما عندهم مشكله بالجلسه بالسياره ،، او نسافر مسافات طويله شوي عادي عندهم ولدي يجيب معه كم سياره والعاب وبنتي تحب الاقلام والاوراق وما شالله جالسين ورى يلعبووون ونشغل لهم اناشيد واللهم لك الحمد ،، غير البطاطس والعصير اذا المشوار من ساعتين لفوق ،، يعني احنا نحب نسليهم بالسياره من هم صغار فتعودو على كذا..

اذا صارت يعني مرات يتحمسو باللعب وتسمعي صوت اول كف <بين بعض> على طول اتكلم انا والا ابوهم ويهجدو ،، لانه اغلب الهوشات تبدا بمزح ثقيل والثاني يعصب ويمكن يتهاوشو بس ابوهم لو تكلم خلاص هدو ..

عاد الحين انا على وشك ولاده اكيد مع ٣ اولاد وفوق بيتغير الوضع عندنا بالطلعه ،، بس ان شالله يكونو بحد معقول يعني الاطفال لازم يتكلمو ينشدو يلعبو بس مو بشكل زائد عن حده ،،

وفوق كذا عيالي بكراسيهم محد يتحرك يعني مربوطين بحزام الآمان الحمدلله ممنوع يتحركو من مكانهم،، صدقوني مرره مهم هالشي بس بالخليج للاسف كله تهاون بهالموضوع والله اسلم وأأمن لعيالنا الله يحميهم..

الله يسخرلكم عيااالكم ويهدي سرك ويصلحهم ويرزقك برهم ان شالله ،،

ياقلبي الله يعينك المفروض للصغار كراسي سياره وتربطين احزمتها
والكبير تخليه يربط حزام الامان ولا يتحرك
ووزعيهم على المقاعد اثنين قدام واثنين وراء
على شوي شوي راح يتعودون على هذا النظام والي مايطبقه
يكون له عقاب وحرمان من الطلعه..

معاااناة الله يصلحهم

نسيت اضيف شي ،،

عيالك ذكروني في نفسي انا وخواني كنا ٥ فوق بعض وبعدها ب٥ سنوات زدنا ٢ بعد يعني المجموع ٧وما اعرف ابوي بصراحه كيف كان يتحملنا بالسياره ،، تخيلي كنا نلعب كوره وسيارتنا كانت بوكس تعرفي ٣ كراسي بالنص والدبه ابوي فارشها حصير على شان العدد يجلسوو ورا بعد وهكذا ،،

ابوي باله مرررررره طويله الله يحفظه بس قلت اقولك الجد انه انا وخواني ابدعناااااا يعني ما اتوقع عيااالك يسوو نص اللي كنا نسويه ،،

يعني الشغله تحتاج تعليم من الصغر ،، والله يكون بعونك يا قلبي ،،

عيالي نفس اعمار عيالك
لو نروح لابو ريالين دريت الحارة اننا طلعنا

الي يصرخ والي يحجز المكان والي يبي يدخل الشريط الي هو اختاره
والي يبي المكيف الحار والي يبي البارد
والي يبي نافذة
كرهونا الطلعات
واذا شرينا لهم شي فكوه بالسيارة وضيعوه وهاتك ياصياح

ان اعرس رجلي منهم