السلام عليكم و رحمة الله و بركاته:
أنتهينا من مشكلة ضياع الاقلام و الدفاتر ، جاتني مشكلة ثانية و هي الغياب الجماعي...
أعاني من المشكلة هذي مع عيالي ، ( هم أثنين )
ففكرت و فكرت وش أسوي؟؟
و خطرت على بالي فكرة... و طبقتها في أقرب فرصة ، و الحمدلله تكللت بالنجاح العظيم..
بقولك السالفة من البداية:
يوم من الاسابيع اللي فاتوا ، ولدي طاح وهو يلعب كورة ( ولدي الشقي اللي يضيع أقلامه ، تذكرتوه ) المهم وداه أبوه للطبيب لانها كانت توجعه ، فكان التشخيص كدمة قوية في الكعب ، و لانه ثقل الجسم كله عليها فتوجعه مع المشي ، و أعطاه مهدي ، و ربطها له ..
وقال له:: خمسة ايام ما يلعب كورة , يظل رابطها مع أطلاق سراحها عند النوم للتنفس ...
ركزوا زين هذا كلام الدكتور بالضبط..
المهم بكرة الصباح أجي و أصحي عيالي للمدرسة ، الا هو يصر ويصمم أنه يغيب لانه الدكتور قال لازم خمسة أيام راحة و ما يروح المدرسة ، ( انتم قارنوا بين كلامه و كلام الدكتور ، و أستخرجوا الفوارق )
و أسأل أبوه ، قال من قال ،
قلت ولدك يقول ،، قال: هو قال خمسة أيام ما يلعب كورة و يحاول يريحها و لا جاب طاريء غياب...
المهم أنا قلت ما عليه خله اليوم يغيب خاصة انه عنده كورة ، و أنا خبزته بيفك الربطة و يطامر ورى هالكورة..
و قررت غيابه..
السالفة مو هنا هذي فقط مقدمة علشان أحطكم في الصورة كاملة...
السالفة :
أنه أخته لما شافته بيغيب ، قالت أنا بعد بغيب ، ليش هو يعني يغيب و أنا لا...
بس أنا قلت لها:
لا ما فيه غياب ، ما فيك الا العافية..
عاد هم الله يهديهم ما يفكرون أنه هذا مريض ، لا ليش يغيب و أنا لا ، هو أصلا يتدلع عليكم...
المهم
قلت لها: قومي البس بس بروح المطبخ و أرجع أشوفك لأبسة..
و رحت المطبخ و رجعت وهي ، تمشي بشوي شوي ،
فقلت هذا قرار ، و سوف يتم تطبيقه من اليوم:
الطرف اللي يغيب ، راح يكون مصروفه اليومي للطرف اللي داوم..
هنا أنبسطت بنتي ،، و قالت خلاص ..
و ولدي أنقهر ليش تأخذ مصروفي ، قلت علشان ما تفكر تغيب مرة ثانية..
المهم هي أخذت المصروف حقها و حق أخوها...
بعد كم أسبوع ، مرضت بنتي ( جاءها الدور ) فقالت لي : ماما اذا ما طبت بكرة ما راح أدرس ، قلت ما عليه بكرة نشوف..
قال ولدي : الا خليها تغيب يمه شكلها مريضة..
( مجرم ، يخطط على مصروفها )
و فعلا من بكرة كانت تعبانة و قلت لها ما تداومي ، الا أخوها ناط من سريره ياسلام يعني بأخذ مصروفها...
قلت: غريبة ما قلت بغيب أنا بعد...
قال: لا و الله عندنا اليوم عزومة مع العيال ، و بشتري اللي ابغى بالعشرة..( أعطي كل واحد خمسة ريال )
و الحمدلله
من بعد كذا ، أفتكيت من الصيحة و النجرة ، و ما عاد أسمع كلمة يمه بغيب بكرة...
بالعكس
لما اقول لهم
خلاص بكرة غياب ، يرفضون...
هذي السالفة ..
وش رأيكم؟؟؟؟؟؟
عيون سعد @aayon_saad
الفواحة العطرة لآسرة حواء
عيالك بالمدرسة ، و اذا غاب واحد الباقيين يبغون يغيبون معه ، طيب شوفي وش سويت!!!
171
11K
يلزم عليك تسجيل الدخول أولًا لكتابة تعليق.
هههههههههههههههههههههههه والله فكره خطيره هههههههههههههههههههههههه الله يخليهم لك ان شاء الله
انا الحمد لله ما اعانى من هالمشكله بالعكس انا اقلهم باغيبكم عقاب لهم اذا ماسمعو كلامى يجرو ينفذو اللي ابغاه هههههههههههههههههههههههههه (البنت تمهيدي والولد ثانى ابتدائي )يمكن لانهم يزهقو في البيت والدوام يخليهم يتسلو مع اصحابهم
انا الحمد لله ما اعانى من هالمشكله بالعكس انا اقلهم باغيبكم عقاب لهم اذا ماسمعو كلامى يجرو ينفذو اللي ابغاه هههههههههههههههههههههههههه (البنت تمهيدي والولد ثانى ابتدائي )يمكن لانهم يزهقو في البيت والدوام يخليهم يتسلو مع اصحابهم
عيون سعد
•
:) ماشاء الله عليك والله فكرررررررره روووووووعه الف شكر لك:) ماشاء الله عليك والله فكرررررررره روووووووعه الف شكر لك
تسلمي ياقلبي.ز
انتي الارووووع
انتي الارووووع
الصفحة الأخيرة
ماشاء الله عليك والله فكرررررررره روووووووعه
الف شكر لك