عيالك ماذا وكيف ؟؟

موضوع حلو ..رفع

اول شي خوف الله ان الله يشوفهم مايسوون شي خطا والثاني احترام الاخرين والناس والله يعين عليهم

اقراءي كتب عن التربية مثلا قواعد التربية او تعاون الطفل مفيدة في التربية

اول شيء حب الله والصﻻة
واحترامي انا وابوهم
واحترام

اهم شي عندي الصلاه مافيها تهاون من الكبار للصغار


احب اغرس فيهم مراقبة الله لهم يعني يستشعرو هالشي في كل تصرفاتهم مو عشان خوف مني لانه ممكن يعملوا الغلط من ورايا بس اذا فهموا ان الله شايفهم خلاص ينتبهوا


اتكلم معاهم حسب سنهم الكبار يفهمو بس الصغار قلت لهم انه فيه ملكين واحد يمين وواحد يسار وكلهم يكتبو اليمين يكتب كل شي حلو واليسار يكتب كل شي مو حلو يعني اللي يقول الصدق يكتبه اليمين اللي يقول الكذب يكتبه اليسار والشاطر فيكم اللي يختار الملك اللي يكتب اكثر شي يعني اللي يمتلي كتابه اليمين يفوز ويدخل الجنه


مهم عندي احترام الكبير اياً كان مايقللو من احترام احد ولايستهزأوا بمريض واشجعهم على مساعدة الغير والتعاون


حريصه اعلمهم معنى بر الوالدين وانه يدعوا لي بعد موتي وماينسوني
وحريصه اكثر اني ابر امي وابي قدامهم وادعي لامي وابويا وهم يسمعوا


طبعا كل اللي فات مو مجرد كلام ونصايح لا لازم اكون انا قدوتهم لانهم يقلدو اكثر من انهم يسمعو مجرد نصيحه يعني بالقول والعمل


والدعاء مهم لهم لانه لولا فضل الله ماراح يوصلوا للي نبغاه