السبهانيه :

موضوعك حلو انا مجربه الجدول حاطه ورقه عاديه اغيرها كل اسبوع لي مجربته من اربع سنوات ومستغنيه عنها لي يمكن ست اشهر بس من جد تجيب نتيجه ذكرتيني فيها برجع لها عشان النوم بدري بدل السهر المهم نتيجة الجدول فتاكه صرت ما احتاجه في الايام الاخيره لانهم تعدلو مره وسلوكهم تعدل مره وصار في الايام الاخيره كلهم ياخذون نجوم كنت اسويها لهم من الجمعه والاربعاء النتيجه اللي ياخذ اكثر نجوم او نقاط او تفاح يطلع يختار لعبته من محل العاب قريب منا ورخيص لانه كل اسبوع يطلعون واخر الشهر يعني على الراتب اللي اخذ نجوم اكثر يروح ملاهي اي ملاهي العثيم مول ولا صحاى او الحياة مول وبكذا يصير حافز للي اخطائ وماحسن سلوكه سلوكهم قبل الطريقه منرفزني اذا سيرت على احد وهم معي مع اني حريصه ما اخذهم معي كل طلعه بس طلعات لازم اخذهم مثل لصديقاتي يزعلون اذا ماجبت بناتي معي يفهمونها اني ما ابيهم يجيبون عيالهم عندي وانحرج واخذهم وروحاتي لهلي واختي ومرت اخوي كانو اذا شافو شي اعجبهم لعبه او اي شي تجلس بجنبي وبصوت عالي يمه ابي هذي يمه تزن الى ان تقول الحرمه خليها تاخذها وانا لا والله عندها العاب ما ابيهم يتعودون يافلانه والحرمه ملزمه انا هنا انحرج ولا اذا قدمت شي مع الشاي والقهوه كانو ياخذون بدون استاذن وكانهم ميتين جوع مع اني حريصه قبل اطلع اعطيهم فطاير وعصير لمن يشبعون بس اذا رحنا كانهم مشفوحين ولا يدورون في البيت كنه في بته من غرفه لغرفه ويفتحون الثلاجه كانو بعد مزعجين في البيت بشكل رهيب صراخ والشغالات مايقعدون عندي سنه ونص الا يروحون ما الومهم غير عدم الترتيب اللي نرفزني شنطة المدرسه يرمونها تحت في الحوش والشراب كل واحد مكان والمريول في مكان وحوسه وابوهم يدوخونه قلت ابدهاش لازم اتصرف واسيطر على الوضع والحمدلله بعد الجدول الكل يقول بسم الله عليهم مطيعات مؤدبات صرنا اذا رحت لحد احب اخذهم بس عشان يمدحونهم صديقاتي قبل نطلع اعطي تعليمات شوفي ما ابي ازعاج تلعبون في مكان واحد مع بناتهم ما ابي لاقافه ابي هذا ولا هذا عيب وما ابي تفتيح ثلاجه المطبخ ماتجونه ابد واذا تبون شي لو الحمام قولي لي بذني بصوت محد يسمعه وانا اسويه لك اذا كان عادي مافيها شي واللي مايطبق هو الخسران ماله نجمه وانا ماني خسرانه شي با الول كان اللي يطبق وحده بس واللي ما تطبق ما اعصب عليها عند الحرمه لا اسوي نفسي عادي بس اعطيها اشاره انه في البيت الحساب ومن بعدها كلهم طبقو حتى مره عند بنت خالتي عطتهم حلاو كانت وحده من بنتي تقول لا ما ابي وهي تطالعني تبي بس خايفه على نجومها وبنت خالتي حرام عليكي ياصمت خليها تاخذ قلت عادي خذي صارو كذا على طول يستأذنون و صارو مرتبات الشربات في سلة الغسيل انتم تحطونها مو الشغاله والجزمه اعزكم الله اقوله تحطونها في درج الجزم والمريول في السله والشنطه كل وحده تحط شنطتها في درجها وماشين عليها من 3 سنين حتى شغالتي الاخيره اللي جتني تقول مدام بناتك مره مرتبات وبيتك نظيف ماشاء الله مو مثل ناس انا اول شغل عندهم كل شي يرمونه وانا اشيله ^ ^ ^ ^ قلت في قلبي والله ماتدرين زوجي صار ينام الظهر ويقول والله انك رهيبه كيف سنعتيهم ينام في غرفته ويقول كن محد فيه في البيت جبت لهم كراسات رسم والوان وجبت لهم من العاب الحسين مراجيح وعرايس مع غياراتهم وجبت لهم مجسم شعر وربطات لكل وحده تسوي تسريحه للعبتها وبكذاء يلعبون بهدوء بدون صوت حتى ام سنتين شافت خواتها هادين صارت هاديه وترسم معهم عكس اول كانو يصارخون ويركضون من غرفه لغرفه وتفحيط وازعاج ياربيه الحمدلله تعدلو ومن ضمن الشروط محد له دخل في المطبخ محد يدخله غير الشغاله حطيت لهم في غرفة المعيشه فوق طاولت الطعام ترمس ماء واكواب مو عند المطبخ ومافيه احد ينادي الشغاله العطشان هو يقوم يسقي نفسه حتى في بيتي اهلي واختي صارو مايفتحون الثلاجه ابد امي مستغربه منهم روحي يافلانه جيبي لي علاجي من الثلاجه والبنت تطالع لي يمه عادي امي تهاوشني حرام عليك حنا مو غرب بس فهمتها انهم تدلو وما ابي اخربهم وبا العكس كذا احسن بس اللي متعبني سهرهم الحين البنات ماقصرو عطوني حلول ومن امس وانا ماشيه على النظام والتعليمات واحسهم احسن وبرجع الجدول عشان اشوف نتيجه اسرع ياليت تدخلين موضوعي عن بناتي وتعطيني رايك

موضوعك حلو انا مجربه الجدول حاطه ورقه عاديه اغيرها كل اسبوع لي مجربته من اربع سنوات ومستغنيه ...

أم مارية وريما :

تبارك الله ردك رائع اختي بنتي 4 سنوات وسنتين ونص ينفع لهم الجدول ولا لسة صغار؟

تبارك الله ردك رائع اختي بنتي 4 سنوات وسنتين ونص ينفع لهم الجدول ولا لسة صغار؟

أم ننودي :

أبي حل ياسراقة الشباصات بنتي كثيرة التعلق فيني ماتحب احد غيري يمسكها او يكلمها من الكبار وتحب الصغار بس يكلمونها....تخيلي اذا رحت لامي ماتجي عندها زي بنات اختي الثانيه بالعكس تصير ماسكه فيني وتصيح عشان امي ماتشيلها او تبوسها.......قاهرتني بها الحركه واذا رحت لاحد تصير ماسكه فيني وصياااااح ماتبغى اي احد كبير يشيلها او يكلمها....عمرها سنه ونص.....علما انها في البيت تصرفاتها عاديه يعني مو صياحه......الله يسعدك عطيني حل والله بدعيلك

أبي حل ياسراقة الشباصات بنتي كثيرة التعلق فيني ماتحب احد غيري يمسكها او يكلمها من الكبار وتحب...