سبحااااااااااااان الله عندي ولد زي عيالك وعن عشرة بزارين.. ولا بعد بكاااااااااااااء شديد وزنزنه وطفشششششششششش ويبغا الشيل مع إني ماعودته.. بس إكتشفت إن الطفل لما يخلص السنتين يهدأ شوي لأن أسنانه تكون طلعت خلاص وارتاح من ألمها.. وعلى قولة إحدى الأخوات التلفزيون مامنه إلا الشر.. وأهم شيء إقرئي عليهم قرآن وادعيلهم وأكيد إذا كبروا شوي بترتاحين..
الله يصلحلك ويصلحلنا ذرياتنا ياااااااااااااااااااااارب

نفس المأساة الله يجزاكم خير أفدتوني كثير وإن شاء الله أطبق

الله يعينكم

أنا عندي ولد خمس سنوات وبنت سنتين ونص

بكتب لكم رواية ( قصة حياتي )

كنت قريب أموت بسبتهم:44:

ينام الولد بالليل وتظل البنت صاحية وبس تنام البنت يصحى الولد

طبعاً أنا ما أنام أبداً يمكن نص ساعة في اليوم :06:

بس ألحين الحمد لله الولد دخل الروضة وينام من سبع أحياناً ولما يتأخر يوصل إلى تسع وشوي بالكثير

والبنت تاخذ لها غفوة من سبع تقريباً إلى 12 الليل

طبعاً أنا أنام معهم ولما تصحى البنت أصحى معها أكون نمت 5 ساعات وأكون مرتاحة

بعدين تنام مرة ثانية الساعة 3 أو أربع طبعاً أصلي وأنام إلى الساعة سبع عشان أصحي الولد للروضة

وبعد ما يروح الروضة الساعة ثمن أبدأ في الشغل تنظيف وطبخ وغسيل وترتيب

أبدأ في غرفة الجلوس أشيل بقايا ألعابهم وأرتبها مكانها وإذا فيه علب عصير وكاسات ماء مرمية

على الأرض وووووو وبعدين أنظف أشيل الخداديات مالات الكنب وأنظفه وأنظف تحته وبعدين المكتبات

طبعاً مو كل يوم المكتبات أمسحهم وبعدين أكنس تحت الكنب حدث ولا حرج مع اني أنظف كل يوم

بس ويش أقول كلينكس - ألعاب - بقايا حلويات ...............

ولما أخلص أمسح الأرضية وأسكر الباب

طبعاً هذي أهم غرفة أنظفها بعدها يخف الهم

أروح الصالة أمسح الأرضية والمظبخ إذا فيه بقايا مواعين أغسلهم :3_13_12: وأبدأ في الغذاء

وأروح الحمام وانتوا بكرامة أحط لثياب في الغسالة وأغسل الحمام وأطلع :3_13_11:

وأشتغل بين المطبخ والملابس وغرفة النوم أطلع من مكان وأدخل مكان

أدخل المطبخ أقلب الأكل وبعدين غرف النوم إلى الأسرة والحمام للملابس المطبخ للأكل الحمام للملابس غرف النوم للتكنيس ........................................ لحد ما أخلص وما أخلص إلا بالأذان أصلي وتصحى البنت طبعاً تكون متخدرة ومو معها أخوها أجلس شوي ( أنسدح ) على الكنب وأحط لها قناة الجزيرة للأطفال ( جزيرة فافا ) أو طيور الجنة لحد ما يجي أخوها وأبوها

وبعد الغذا إلى الحمام وأسبحهم وأخليهم في البانيو يلعبوا شوي وأنا أجلس أرتاح شوي

صحيح انهم كل شوي ينادوني بس وش أسوي مرة يبون لعبة ومرة متضاربين

وبعد ما أشيلهم وألبسهم وأحارب البنت على ما ترضى تتمشط

لأن عدوها المشط بس ألبسها تروح إلى الحافظة وتاخذ لها أي شباصة وتقول لي

مو تمشطيني حطي بس هذي ( تقصد مو تربطي شعري بربطات )

بعدها أسبح وأروح الندي وأرجع على خمس أجلس معهم شوي ألعب معهم ساعتين ويمكن أكثر شوي

وبعدها يناموا

وهذي قصة حياتي أكيد طفششششششششتتتتوووووووووووا بس أكيد حلوة

الله يسخرهم لك ويهديهم وانت لاتحملين نفسك فوق طاقتك ووسعي خاطرك والله انك مسؤله عنهم وحتى عن تقطيبة حاجبيك عليهم تخيلي .............
فلا تخلين لابليس مكان عليك وايام وليالي وتحصلينهم يهبلون ولا بعد يسولفون معاك سرت اشتاق اخلص شغلي عشان اجلس واسمع الي بخاطر كل منهم ولهجتهم تهبل كلها مكسره ههههههههههه انهبل عليها والبنات ماقصروا نصايحهم ذهب حتى انا استفدت منها مررررررررررره
اتمنى تتقبلين مروري والله يكون بعونك ويهديهم لك ويجعلهم قرة عين لك ولوالدهم ويجعلهم من حفضة كتاب الله

يا أختي ساعات نوم عيااالك قليل جدا ما يكفيهم لازم يناموا أكثر وصدقيني اذا ناموا أكثر يهدون لان قل النوم يخلي مزاجهم صعب ولاهو رايق ...
وانا اطبع لعيالي صور من النت جاهزة للتلوين واخليهم يختارونها من الموقع وانا اطبعها ويلونونها واكافئهم بتعليقها في غرفتهم لوحااات روعه يكفي انا م ابداعهم ...
وترى شئ عااادي انهم يتضاربون وينططون ويلعبون ويخربون هذي طفولتهم ياعمري واذا ما كانوا يتحركون يكون شئ غير طبيعي ..

الله يخليهم لك ويخليك لهم ويصلحهم