عيالي صدورهم تعبانه ...الله يجزاها خير ألي تقولي عن علأجل للكحه

اذا معه بلغم يمدحون اللبان المر جيبيه من العطار واخمريه في مويه صحيه

وعطي ولدك على الريق داومي عليه لمدة 5ايام لانه مثل المره مضاد حيوي

ولاتكثرين بس ملعقه وما قدامه الا العافيه

ملاحظه اذا يستخدم مضاد معطيه اياه الدكتور لاتستخدمين معه اللبان.......

السلام عليكم أختي الكريمة

أنا طفلي المسكين صابه إللي صاب أولادك وهو لسه ما عمره شهر حتى .. رحت فيه على دكتور أطفال وكتب له ادوية كثيرة وأنا على نياتي بكرية ولا أعرف إن مب زين الأدوية لهم وهم أطفال لسه .. تميت أعطيه الأدوية ولا رضى يخف .. المسكين ما ينام بسبب الزكام والبلغم والكحة .. وكان بدل ما يخف يزيد ..

المهم .. أختي الكبيرة قالت لي أعطيه شوية عسل نخل ((إنتبهي عسل نخيل يعني مش نحل )) ويجي لونه أسود واعصري له شوية ليمون

المهم عطيت إبني شويه منه عن طريق لحس إصبعي .. فديته عجبه وصار ما يصبر ثواني يبغى على طول .. ..

هي هذيك المرة بس إللي عطيته إياه .. واليوم الثاني راح منه كل شي .. ما شاء الله تبارك الرحمن

الله يشافي أولادك يا رب .. جربي وراح تدعي لي

من تجربتي لبنتي اعطيتها بابونج محلى بالقليل من العسل
والحمدلله استفادت منه

الطريقة
خذي مقدار من الماء المغلي مقاس قنينة الارضاع 200 او 100ml وضعيه في اناء
اضيفي ملعقة طعام كبيره ازهار البابونج حركي واغطي عليه لمدة 10 دقائق
ثم صفيه في قنينة الارضاع او كوب حسب رغبتها مع اضافة القليل من العسل واخلطيه جيدا

يشرب مرتين الصباح قبل الحليب ....وبالليل قبل النوم
استمري عليه وبتلاحظي ان الكحه تخف تدريجيا

مع الانتباه ان يكون المكيف اقل درجه لانه يساعد على الكحه


والله يشفي عيالك

وانا بعد ولدي معه كحه وبلغم في صدره

اللبان علاج فعال وعن تجربة