عيالي مايحترموني

صبحكم الله بالخير كيف حالكم
بدخل بالموضوع ع طول سبق تكلمت عن ولدي الله يشفيه بقسم الامومة
عندي بنت 9سنوات وولد 7سنوات ولدي عنده فرط حركة وتشتت انتباه
عجزت عن تربيتهم عجزت اسيطر عليهم البنت ماتبي تحضر المنصة ولاتبي تحل دروسها تفشلت من المعلمات بس اتعذر لهم ولايهمها تشوف زميلاتها يشاركون ومتفوقات وهي لا ولاتبي تحفظ اناشيد ولاقران شجعتها ووعدتها اشتري لها شي تحبه تقول يعني لازم ادرس عشان تجيبين لي هالشي خلاص مابيه اتعبتني يابنات هذا غير ملابسها مرميه بكل مكان وملابسها الداخليه تكرمون وسخة ومرميه بدورات المياه فهمتها ونبهتها وعلمتها لكن ابد مافي نتيجة ولاكني اتكلم دايم اشجعها انتي الكبيرة انتي العاقلة انتي الفاهمةبس ابد مافي فايدة حتى اخوها اذا سوا اشياء غلط تعزز له وتخرب وتحوس معه بدل ماتعقله هي انهبلت معه وصراخ ليل نهار وازعاج وضرب ومضارب هي واخوها هذا غير انها ماتستجيب وللتلبي الاوامر ولافيها ذرة لرحمة او احساس اذا شافتني تعبانة او شي عاااادي ولاتقول وش فيك ياماما وولدي انسان عنيييييد بشكل لايطاق واستفزازي يسوي اي شي يستفزك فيه ماخلا شي الاكسره وخربه واخته معه والله العظيم يابنات حاسة اني مقيدة مو عارفة كيف اسيطر كل شي يبونه جبته بتقولون فاقدين الاحتواء والله العظيم ماقصرت بشي دلعت ودللت وربي يابنات مالقئ ولاساعه لنفسي لدرجة مرات اطيح انام باي مكان من التعب صرت حبيسه البيت منهم لو طلعنا بالسيارة هوا وكل واحد يعاند الثاني وضرب قسم بالله كرهت نفسي انا عارفة التربية صعبه لكن احس عيالي غير البشر يعاملوني ماكني ام كني خدامه مايشيلون ولا المنديل والقرطاس للزباله ارشدوني يابنات والله اني بهم مايعلم به الاربي