عيالي مجنيني الحقوني قبل ما ؟؟!!!

السلام عليكم

والله مادري شو أكتب مستحية مب عارفة وين أودي ويهي منكم زعجتكم أكيد بمشاكلي لكن هالمرة مصايب مب مشاكل :icon33:

عيالي ياناس مخبلين بي مينيني مسوينلي كآبة :angry:

ولدي عمره سنتين و3 شهور وبنتي عمرها سنه وشهرين وألحين حامل في الرابع تعب حمال وتعب العيال الموجودين المربيه ما يبونها تلمسهم وطول الوقت يلاحقوني حتى وأنا أصلي شاله البنت في إيدي سجود وركوع وبنتي في حضني واااااااااااااااايد متعلقة فيني طفرتني والولد سالفته سالفة شقي شيطان مصغر يتعبث في كل شي في البيت يكسر ويخرب ويوصخ وبسرعه إذا أغفل عنه يسوي كوارث كثير النشاط قليل ولا عديم الأكل التلفزيون والألعاب ما يحبونها طول الوقت يضرب اخته ويضرب ضرب مب طبيعي يمط شعرها ويشمخها ويعضها بقوة وهذا كله خلال لعبهم مع بعض والمشكلة انها ما تيلس تلعب لازم تلصق فيني ولا فيه تحبه برغم الضرب

مخليني في حالة استنفار والله تعبت شو أسوي في البنت عشان أعلمها تلعب بألعابها ولا تتابع الرسوم المتحركة والولد بعد كيف أخليه ينسى الإجرام والله فقدت أعصابي من فترة وقمت أضربه وما يخاف يضحك ما يفهم المغزى من الضرب يعتبره لعب بعد ويوم يعوره يصيح ويحط راسه في حضني ويقوللي واوااااا


ولدي يا ناس عدواني يضرب كل الأولاد اللي يكونون في الألعاب مع اني ما كنت أضربه ولا شاف حد يضرب وينضرب مادري من وين تعلم الضرب

والبنت مادري كيف أخليها تحس بالأمان لأنها دايماً تكون مرعوبه وتصيح إذا شافت حد غريب وأو حد ما شافته من زمان وما تسكت مول إلا في حضني وأنا بموت منهم هم الإثنين أحس بطني بينفجر منها كاتمه أنفاسي بعدها ما مشت بس تحاول وجريب بتمشي لكن الولد ما يخليها في الداخلة والطالعة يخبطها








أنجدوني