عيالي مو رايحين المدرسة كلهم الابتدائي وإللي بالثانوي قاعد يطق أصبع بالله وش اسوي

يابنات أنا ام فرحانة ببداية الدراسة صح أنها غثى بس على الأقل يترتب نظام البيت من جديد وترجع المياه لمجاريها بس حصل اليوم العصر مفاجئة وصلنا رسالتين من مدارس عيالي الأبتدائي والثانوي كلهم يقولون الدوام من الساعة وحدة إلى خمس مساء يافرحة ماتمت والسبب طبعا الصيانة للمدارس إللي توهم يذكرون يسوونها أتصل زوجي على المدير قال لا تجيبهم إلا الأثنين عشان يمدينا نشيل عفشنا ونروح للمدرسة الثانية من السؤول عن تأخير صيانة المدارس لية من يوم خلصت الأمتحانات علطول سوو الصيانة صح أنهم فرحانين عشان بيجربون شيء جديد وإلي كسر خاطري ولدي في ثالث إبتدائي يدور بالشنطة من أمس على ظهرة قال أبوة خلية سهران عشان مايصحى الصبح ويضيق صدرة وهم أصلا كذا ولا كذا سهرانين الله يهديهم من صار لها مثلي وش رايها بالدراسة المسائية تمدحها ولا تذمها طمنوني الله يجزاكم خير