عيالي والتأخر اللغوي

السلام عليكم
عندي توأم اربعة سنوات وسبعة شهور اتأخرو في الكلام والحمدلله من رمضان شوال اتحسنو حبتين و واحد فيهم الحمدلله وماشاءالله يوم عن يوم يتحسن والتاني مرة مقلقني تقريبا مخزونهم اللغوي واحد بس الاول يمكن الغريب يفهم عليه حبة حبتين اما التاني يقول نفس الكلمات والجمل بس بطريقة تخلي كلامه مؤ مفهوم يقولو الحروف لوحدها صح اما في وسط الكلمات في حروف ما يقولوها صح ولا قريبة من الصح همن ما شاءالله يحبو يتعلمو حروف عربي e وارقام ويعرفو ماشاءالله اغلب الألوان واغلب الحيوانات واسامي كل افلام الكرتون اللي في قناتهم المفضلة يعرفو الحاجات كل شي بس مخزونهم اللغوي بسيط ضعيف يعني كلامهم اصغر من سنهم لأنهم المفروض يتكلمو بطلاقة ما يعرفو يديرو حوار يعني ما تمسكيهم زي باقي الاطفال وتقوليهم ايش سويت آليوم ويجلس يقولك فين رحت ويجلس يحكيكي لا يمكن تسأليه ايش اكل يقولك ايش شرب يقولك مين جا يقول فين فلان زي كدا اسأله بسيطة مؤ حوار وتفاعلهم الاجتماعي ممتاز لعبهم مع الاطفال تمام والحمدلله إدراكهم كل شي تواصل بصري ممتاز اللهم اللغة سمع ما كشفت بس اكيد لو في مشكلة في السمع لو انتبهت بس بدأت اشك من كتر ما احيانا الأمهات تقول طلع في مشكلة في السمع وما كنا ندري يرتب يرفعو ينتبهو لاخوهم الصغير اللي عمره سنة بمبالغة كل ما يحبو لمكان جابوه كل ما دخل شي في فمه ماما اكل شي يعني المقصد فاهمين واعيين علما انا اشوف السبب بيئي ما كانو يشوفو احد وما نخرج بالشهور وأول تلاتة سنين من عمرهم كنا ساكنين في مدينة غير عن اهل زوجي وأهلي لا جيران ولا شي والدليل السنة الاخيرة ديه كنت في بيت اهلي وستهم خالاتهم بدأو يتحسنو مع انه برضو ما بنخرج معرفتهم بالأماكن قليلة يعني سوق سوبر ماركت حديقة يعني تعتقدو دا السبب ولو كانت المشكلة مجرد تأخر لغوي وفقر مفردات وكدا ليش نطقهم غلط ارجو الإفادة واللي عندها حالة مشابهة            وهل الروضة في الحالة ديه تحسنهم وتحدث فرق ولا كيف المقصد من السؤال كله حالتهم طبيعية يحتاجلهم خروج وأتكلم معاهم كتير وحوار وألعاب تعليمية وكذا ولا في مشكلة اكبر