عيالي والجوال والبلايستيشن

اخاف اقولك لاتجيبين ويجيبون من وراك وهذي سهلة ويقدرون الجيل هذا يخوف

يعني قدام عيونك ولا من ورى ظهرك

لكن ممكن تحددينلهم وقت معين يعني تشرينلهم جوال وتقولي ماتاخذوه الا بالطلعة وبس ترجعون تاخذينه

او تخلينه من غير شريحة

او تجيبي بديل لهم يرظيهم لعبة او شي نفسهم فيه من زمان

وعن أبي سعيد الخدري عن النبي أنه قال: { قال موسى: يا رب علمني شيئاً أذكرك به، وأدعوك به، قال: يا موسى قل لا إله إلا الله، قال: يا رب كل عبادك يقول هذا، قال: قل لا إله إلا الله، قال: إنما أريد شيئاً تخصني به، قال: يا موسى! لو أن أهل السماوات والأراضين السبع في كفة ولا إله إلا الله في كفة مالت بهنّ لا إله إلا الله } .

مدري بس والله الي يبغى اليوم جوال يبغى بعده لاب توب وهكذا الخ

والله المستعان افتحى لهن فيدو المعيشه في افريقيا و دول الفقيره
ذكريهم والله ينفع
وذكريهم انا الله اذا نعم على عبد ابيتلاه فيها يستخدمها في طاعته والابغيره
قولي لهم فيه ناس مولاقيه تأكل واحنا ما نفكر الابالكشخ

ونعم احنا محاسبين عليها وقولي لهم
مثلا اذا اشتريت لكم ايفون راح تستخدمونها في نشر دعو ه او تعلم اولتسليه وبس!!
خلي عندهم هدف من اي شئ يشترونه مو بس لتسليه
نمى الاحساس بنعم الله وطرق استخدمها بشكل جميل
اشوف ولد وحده من قرباتى كذا ما طلب شئ الاعطوه حتى وصل الان انه مايدرس حتى ينفذون له طلبه
حاولي تشلين الغيره هذه منهم بتذكير بالله والله مايخيبك
ومن توكل ع الله فهو حسبه

والله يوفقك

لا ما يقدرون يجيبون من وراها

أنا من يوم دخلت متوسط وأنا أزن على الماما الله يحفظها أبغى جوال وإيميل وأمي تقول :لا لا
أبوي كان يقول كلام لي ومن جد حسيت فيها
كان يقول : يعني إذا الناس راحوا النار نروح معهم ؟؟

ويوم كبرت ودخلت ثاني ثانوي أمي جابت لي ججوال وإيميل ..

يعني فهميم إن الأنسان على السن والعمر..
أنا عندي أهل من جمعتنا مو راضين للبنت ججوال إلا إذا تزوجت ..

وإحنا أهل بيتنا عندنا طبع إذا رحنا السوق كل واحد في جهه فكذا إحنا البنات الكبار عندنا جوال

أما أهلنا إللي من جمعتنا ما يرضون للبنت جوال لأنهم ما عندهم حاجة فيه لأنهم في السوق إذا رحاوا راحوا مع أخوهم أو أبوهم يعني لازم يطلعون مع رجال..

إنتي عادي أكيد إذا تبغين بنتك تصير أحسن الناس راح تتعبين معها..

وفي المراهقة الله يعينك فيها ..
ادعيلها أهم شيء (وإدعيلي :) )

لا تجيبي لهم ماله داعي زي ماقلتي

وفهمي بنتك مو اي شي تشوفه مع الناس تقول ابيه زيهم