عيالي ومرضهم المستمر

بسم الله الرحمن الرحيم
حبيباتي الامهات........... السلام عليكم ورحمة الله وبركاته..........




عندي مشكله وان شاء الله تساعدوني فيها ................
انا ما شاء الله تبارك الله عندي توأم اعمارهم 11 شهر بس مشكلتهم داااااااااااااااااااااااااااااائما مرضى
يعني كل شويه وهم تعبانين ومضادات حيويه وعلاجات اشكال والوان وكلها يومين ثلاثه ويرجعوم من اول وجديد...
يعني خلال الشهر اللي فات مرضوا ثلاث مرات .........
مره التهاب في الحلق وثارت معاه حساسية الصدر وهاتك ياعلاجات وبخار والله المستعان...لانهم عندهم حساسيه بالصدر.....
والمره اللي بعدها باسبوع التهاب في الاذن .......
والمره اللي بعدها كمان التهاب في الحلق......... كلها خلال شهر واحد....
هذا غير ان سخونتهم شي ما ينوصف توصل 40 كل ساعتين مره تحاميل ومره تمبرا وياليتها تنزل بعد
ماغير اكمد بمويه وخل ومره مسحه طبيه ومره ترويش وهاتك بكا وصراخ وتعب.........
والله اني تعبت وغير اني ارحمهم من كثر ما اصحيهم من النوم ومن المويه البارده وغيرها بس وش اسوي؟؟؟؟؟
مابقى التهاب ما جاهم
في الحلق وجاهم
في الاذن وجاهم
في الرئه وجاهم
في العين وجاهم
غير النزله المعويه والاسهال والتطريش وغير الاسنان وهمها وتعبها ....
والله اكلهم صحي واعطيهم عصيرات طازجه ومهروس التمر بس مافي فايده....
احافظ عليهم من المكيف ولا اطلع لو كان الجو فيه هوا او غبار او رطوبه بس سبحان الله قد ما شفت من الاطفال مافي احد يمرض قدهم ...
جهاز البخار شريناه في البيت والبخاخات وصرفناها لهم مابقى شي ولاني عارفه وش اسوي...
كل ما راوح الطبيب اقوله ما ابغى مضادات يقول لازم بعدين تطور الحاله ......
اقوله طيب اصرف لهم شي يقوي المناعه يقول هذي فيروسات منتشره بالجو ممكن تجي اي واحد .....
طيب لو كان مناعتهم كويسه ما لقطوا الفيروس.....
بنات انا ما رضعتهم طبيعي بسبب مرضي بعد االولاده وهم قعدوا فتره في العنايه المركزه لاني ولدت في الثامن فاحس كمان ان هذا سبب بس والله مو بيدي....
اللي ابغاه يابنات تقولولي اشياء تزيد المناعه سواء علاج او فيتامين او اكل مع العلم اني اعطيهم فيتامين ون الفا...
وهل اقدر اعطيهم العسل لاني خايفه من اضراره قبل السنه...
واخيرا اتمنى تدعون لهم لاني والله ما جبتهم الا بعد علاجات ومعاناه ..
عارفه هذرت كثير بس والله ضايق صدري عليهم :( ومدري وش اسوي علما ان مرضهم بدا من بعد الست شهور
حتى الشغاله شكيت فيها بس هي وش تسوي عشان تخليهم يجيهم التهاب؟؟؟
بس والله من كثر ما افكر ارمي الاسباب على كل شي......
والله يعين وبس.....
:icon33::icon33::icon33::icon33: