عيالي ومص الاصبع وش الحل معاهم؟

بسم الله الرحمن الرحيم


الحلوات اخواتي في عالم حواء

عندي مشكلة عيالي ولدي الكبير عمره 3 سنين ونص والصغير عمره 10 شهور,
الصغير بدا بشكل طبيعي مثل بقية الاطفال يمص اصبعه مع نهاية الاربعين تقريبا والاحظه ما يكثر المص الا اثناء النوم والا اذا حظنته انا بالذات اي احد ثاني يحظنه ما يسوي الحركه مدري ليش ؟ حاولت البسه عند النوم قفازات عشان ما يمص وجنني ما خلاني انام مع العلم اني اكون مشبعته زين قبل النوم واستشرت كثير قالوا الى سنه سنه ونصف طبيعي ولا تحاولين تمنعينه . خلصنا من الصغير ننتقل للكبير

الكبير ما عمره مص اصبعه ولا يعرف ذا الحركه بس لاحظته من شهر طاح فيها بشكل مقرررررررررف ويمص كذا اصبع الابهام والاوسط والسبابه واقوله كذا خطأ وتخرب اسنانك بعدين يحطون لك حديده اذا كبرت وتدخل جراثيم لفمك وتعورك اسنانك والا احاول اشغل يديه بأي شي مثل اني اسوي حركه بيديني واقول تقدر تسوي مثلها بس ما فيه فايده كل ما انبهه على حركته هذي يقول اخوي ليش يسويها ابين له انه هو يفهم واخوه ما بدا يفهم واذا بدا يفهم ابقوله عليها, بس ما فيه فايده والاحظه اكثر شي اذا صار يناظر التلفزيون او يفكر

مين صار لها مثل موقفي خصوصا مشكلة الكبير اللي ما بدا الا على كبر والا الصغير اشوف انه طبيعي و كيف تعاملتي معها وش تتوقعين الاسباب اللي خلته يمص اصبعه ؟