ليه ماتجلسين في بيتك وهو مداوم ..
الحمدلله احنا في امن وامان ولو صار شي لاسمح الله اهلك قريب منك..
انتي أدبيهم عيالك لا تخلينهم يحوسون الدنيا كل شوي والله تعب عليك ياعمري ..
استخدمي اسلوب العقاب والحرمان من الشي الي يحبوه اذا سوو مشاكسات ..
وحفزيهم وشجعيهم بنجوم اذا صارو مؤدبين والي يجمع 7 نجمات طول الاسبوع له هديه او حلاوة ..
وعيالك ماشالله فيهم طاقه وشكلك انتي من النوع الي ماتخرجينهم دايم..
عيالك يبغالهم حديقة العاب او سيكل يلعبون فيه بالحوش عشان تخلص الطاقه ..
والله يهديهم لك ..

أمك معها حق .... وانتي ماتنلامين خففي اكل السكريات. عنهم لانها تعطي نشاط زايد وحاولي تعودينهم يجلسون ع التلفزيون

اذكر اثنين من عيالي كانوا يتعبوني حيل ممها نظفت مهما تابعتهم مافي فايده واهلي من نوع حيل يدققون
واتذكر اني تعبت من المطارده وراهم وخاصه انهم كانوا اصغار اعطامي معاد يشيلني من كثر الشغل فصرت اخلي مغي مناديل مرطبه وطشاش صغير والولد غياراته ثوب بجامه الي يجي مقلم اشكال والالوان بالسوق كثرت له على طول من يدمر افصخ وامسح والبس وبعد استخدم الصدريات والبنت كنت استخدم لها صدريات بأكمام وقت مايدمر افصخ الصدريه والبس صدريه ثانيه وكذلك البنت احيب لها جلاليات على ميكي ماو س باربي وكثر منهم وقت ماتوسخ مناديل مرطبه وانا حالسه وطشاش ماء او معقم جل من الصيدليه مره ارتحت هي فتره وتعدي يكبرون وترتاحي لكن جربي طريقتي راح ترتاحي لان ثوب سهل في اللبس والشيل والمناديل ريحتها حلوه وتنظف الطفل وخلاص واذا جاء وقت الاكل غسلي ايديهم وخلاص

ياشين التعقيد مره اكره الحريم الي كذا صراحه ماعليش اهم ماعلي نفسي ايش الي اطرد وراهم شي يخش العقل الا اذا يحبي اما كبير اطرد وراه ليش واللبس مره او مرتين وخلاص ماله داعي بالدقيقه اغير وخير ياطير شافوه موسخ عادي برز ولعب بهدومه ترا اذا عطيتيها على جوها بتتعبين امك لاتنامين عندها بين انها معصبه منهم خلي الزياره ست ساعات وامشي اصلن مافي اريح من بيتك اذا معك بزرا

جزاكم الله خير ماقصرتو وانا كنت مو مهتمه مره لين امي راحت تنقدني دايم الايام هذي حتى نهاية الاسبوع لما نطلع سهره عند احد تنبهني كثير على عيالي يصير طول الجلسه مااتهنى بس اراقبهم واراكض وراهم امي موسوسة نظافه ماتحب اللي يكب والا يحوس تنقد على طول