عيالي و دراستهم الحضوري

قصه و استشاره ...
---------------------
عام 2020 فرحت كثييير ان الدراسه عن بعد ، تخف عننا مصاريف المدارس و الطلبات و صدمونا الدراسه عن طريق الجوالات و تسلفنا و اشترينا الأجهزه للعيال و درسوا سنه كامله ،..
الحاله ضعيفه و كانت تمر علينا أيام عيالي يداومون بدون فطور و لا مصروف ، وكنا ناخذ من ناس شناط و اغراض المدارس و كانوا يفتشلون و يحز بخاطري ... بس مو بيدي ....
--
يمكن تعودنا ؟؟ نشوف صارت الدراسه عن بعد سهله و خفيفه و ميسره و لله الحمد ، بالشتاء و بالصيف عيالك عندك مافي قومة الصباح و لا فطور و لا تصحين ولا تصيحين و لا باصات ، الأمور مستتبه و أمنه ...


بالأمس اعلن المتحدث الرسمي لوزارة التعليم أن المتوسطه و الثانويه حضوري ، قام ولدي قال : يمه نبي اغراض جديده كل شئ جديد من ملابس و شناط و غيرهن مانبي اغراض الناس ، هنا جاأتني حاله من اليأس و الحزن ...
أبي الدراسه عن بعد اقل مصاريف و مافيه تكاليف ..
الحضوري : (( ملابس و مراييل و احذيه و شرابات و شناط و تجاليد و اقلام و دفاتر و كراسات و مصروف و رسوم الباص و غيرهن من الأشياء ))
طيب انا عندي ٧ يدرسون الله يصلحهم ، منين اشتري لهم و كيف البي احتياجاتهم و أوفرهن لهم ؟؟ ... رحت و راجعت و تكلمت و طلبت بس مافي اي نتيجه ...


انصحوني الله يجزاكم خير و يفتحها بوجيهكم ... او تعرفون فاعلة خير تساعدني ...


لاتقولون اشتغلي او اسره منتجه وغيره لأني ما أقدر ظروفي الصحيه ماتسمح اشتغل ...