عيالي ياناس

يااخواتي عيالي مجننيني :icon33::icon33::angry2:
نقرة ونقير(قال وقلت سوا وسويت)وانا الضعيفة بينهم وادري اصدق مين واكذب مين ومين الغلطان ومين المظلوم


والوسطي منهم حكاية واذا يغاء شي يلح لين يطلع عيوني والله اني تعبت ولا عندي حل

مدري وش اسوي معهم

قبل شوي قالي ابغاء الاب تب قلتلة على الساعة وحدة بعطيك اياه قال الكبير وان ابغاة ليش فلان وانا مسكينة معطيتهم وجة كانهم شاريينة بفلوسهم وانا تسلفتة منهم
مالكم بالطويلة على الساعة واحد ناديتة وقلت لك لين الساعة ثنتين تعطية اخوك قال تمام وانا الساعة ثلاثة راح اخذة يعني لكل واحد ساعة قال اوكية واخذة
جيت على الساعة ثلاثة الا ماحد جالس علية يتابعون الارض الطيبة اخذتة يوم جات الساعة اربعة تقريبا جا وقال هاتية
قلت وقتك خلص
قال انا وقتي ما اخذت منة غير خمس دقايق والباقي اخذة محمد علشان يشوف حاجة ضرورية
قلت مالي دخل وقتك خلص

عاد انتو شوفوا الملاغة جلس يصايح على راسي ويبكي
انتي توعيني وتخلفين لو انة محمد كان عطيتة بدون زعل وانا ماتخليني على راحتي وووووووووووووووووووو
سواي سالفة طويلة عريضة
انا جلست معة حول النصف ساعة واهو يناهد معي قلتلة عيب تكلمني كذا قال انتي ماتتحملين مني شي ولا تعطيني شي والثانيين على كيفهم
وفي النهاية قلتله خلاص خذه انا ماعاد ابية وبكل هدوء قال انا معاد ابية طفشتيني علشانه اخوي يجلس علية اكثر مني وووووووووووووووووو
ملام كثير نسيت بعضة

الزبدة حبايبي هذا ولدي عمرة 14 سنة واخوة 17سنة ويحس دائمن انا نعملة مو زي اخوانة واني ما احبة وني ما اتحمل اي كلمة منة وانا احول بكل الطرق اني ما ازعلة واني اكون هادية معة لكن اهو عنيد ويراددني غير عن اخوانة ولا يمكن يقول ابشري يمة الا بعد طلوع الروح ويحب الجدال