بسم الله الرحمن الرحيم
كيفكم يابنات حواء ان شاءالله كلش تمام المهم من امس والموضوع يرن ويزن ويقرقع في قلبي وودي اكتبه بس مافضيت الا الحين والموضوع عن عيال الموظفات وعيال ربة المنزل انا بتكلم من واقع اسرتي احنا ثلاث اخوات وكلنا عندنا عيال انا واختي الكبيره موظفات واختي الوسطى ربة منزل وانا دايم اقارن بين عيالي انا واختي الموظفه وبين عيال اختي الوسطى اشوف عيالي انا واختي الكبيره دايم يتعلقون بالناس وبالاقارب باتحديد تحسين ينقصهم حنان وعيال اختي ربة المنزل مكتفين ماشاءالله يعني يحبون اقاربهم بس مو لدرجة التعلق ودايم متعلقين في امهم اما عيالي اذا شافو الاقارب تقولون ايتام يتعلقون بشكل جنوني رغم اني اعطيهم كل وقتي مجرد ما ارجع من الوظيفه ودوامي يخلص الظهر اخذهم وانام بينهم رغم اغلب الايام عماتهم يطلبونهم الظهر وانا ارفض وانام مع ازعاجهم واحاول ما اطول في النوم ساعه واصحى اجلس معهم رغم ما انكر اني اجلس والمزاج مش رايق بسبب الارهاق لكن اعطي قد ما اقدر اللحين ابي اشوف هل انتو تحسون فيه فرق بين عيال الموظفات وعيال ربات المنزل او انا بس اللي احس فيه تانيب ضمير وسوسه مالها داعي اترك لكم التعليق :26:
HMFZ @hmfz
محررة
يلزم عليك تسجيل الدخول أولًا لكتابة تعليق.
ام هلال1234
•
عادي ياختي يرجع لشخصية الطفل احيانا ....انا ولدي الكبير كان مثل عيالك اما الصغير مايفظل علي احد بالدنيا رغم ان اهلي يعشقونه وودهم بس يعطيهم وجه .....اناموظفه وطريقتي مثلك والله ماشبع نوم عشان بس اجلس معهم الله يعيني وياك
الصفحة الأخيرة