عيال جيراني والحل معهم

بنات انا سكنت بيتي ذا لي سنة ومن قبل مانجي اتفقت مع زوجي تكون علاقتنا بالجيران رسميه
لكن زوجي مطيح المونه مرة معهم لانهم اهل البيت قال ايش يبيهم ينزلون بالأجار اواعتقد يبيه بلاش بعد
انا اطفش احيانا واناديها اواروح لها هي مشغوله دايم بيتها مليان ضيوف بس صرت احاول اتجنب ع خفيف عشان ماتمل مني وخليتها براحتها رغم اني مااقصر واسال بالجوال
لكن بناتها بشكل يومي وهم عند بنتي لعب واكل وتفتيش بادراج بنتي ويوصلون لغرفة نومي وبنتي تمنعهم وهم ينافخون بيتنا موشغلك ومايروحون الاالبيت مزبله
واحيانا يجون وانا تعبانه منبطحة عالسرير وبابي مفتوح عالاخر واقول طنشي يابنت
وتحملي جيران عشن يسلون بنتك ولانهم اهل البيت والله احيانا ابطلع مكان وهم قاعدين مع بنتي اضطر اخليهم واروح واسيب المفتاح والباب مفتوح ولااقدر اقول روحوا بيتكم ابقفل الباب على عيالي وارجع القى البيت طين وحويس لانهم داخلين طالعين وكله من زوجي حسبي الله عليه مع اني حذرته مانبي بيت اهله فيه او عالاقل مابنزاورهم عشن مايصير شي لكن جو سكان جدد
ومن وقتها البنات سحبوا ع بنتي وصاروا بس يشوفونها برا يتحرشون فيها ويسبونها ويشمقون ويرفعون ضغطها ويدقون الجرس ويعلقونه يوميا ويوم اطلع لهم قالوا يبون بنتي
وانهم مسامحينها طيب وش صاراصلن ولمن تطلع بنتي ترجع تشتكي بانهم ينافخون فيها ويعايرونها ياخوافه تخافين من امك وضعيفه ماتطلعين الشارع زينا
وتجي بنتي واقلها خلاص لاعاد تطلعين معهم وطنشي لاتردين لكن حركاتهم زادت كنهم مواطفال ياخذون جزمه بنتي ويحفرون لها برا ويخبونها ومفتاح الباب مدري فين ودوة
ويشيلون الدعاسات ويحطون تراب عالباب ويفتحون علينا الشبابيك ويدخلون العصي
ويعلقون الجرس ويتهددون بنتي ويتفلون
ويله اطلعوا من بيتنا ذا بيتنا ياكلبه ياوسخة انتي وامك خذوا اغراضكم واطلعوا وانا ساكته وموسعه صدري ابشوف اش النهايه ولاني ادري ماعندي حد يأدبهم ولانهم اهل البيت
ولنا ع هالكلام 8شهور كل يوم حركه وانا اطنش وزوجي كله منك معاد رحتي لهم ههه وش يبيني اسوي ابوس رجلينها واقول بجيك المرة مشغوله ومااحب اتلصق بحد وقبل شهر علمت امهم وقالت اطفال وانا مااحط عقلي بعقل اطفال
وخلاص اوريك فيهم قلت يله اسكتي يابنت وحطي باذانك قطن ولكن كانه من يحرضهم اخرتها قبل شوي يدقون بالجرس ويسبون ورب الكعبه ماكذبت فحرف ويدفون الباب ع بنتي
وبكيفنا بندخل ذا بيتنا موبيتكم وانا جالسه بالصاله بس اضحك
وش الحل ارجع اشتكي لامهم والله فشله اشتكي من اطفال اضربهم برضوة قويه احط عقلي بعقل اطفال كل ذا بدون سبب ؟؟؟؟ مدري ليش بنتي ماسوت لهم شي ولاانا للعلم اعمارهم 9و8لاتقولون اطلعوا من البيت لسه ماكملت سنه وتعبت من الشد والحط
ارجوكم ابي حلول من غير مااحرج نفسي واحط عقلي باطفال ولاابي اشتكيهم كل شوي عيب وربي عيب وفشله