كان الله في عونك

بصراحه انا زوجي يدور ويسال عن الجيران وكل شي

بس اذا كان في ازعاج يتصل عليهم في البيت القديم كان ازعااااج من الجيران الي فوقنا من اطفالهم كلم صاحب العماره وقاله طيب وبرضو ازعاج طلع لهم وكلم الابو وبرضو ازعاج واخر شي طلع لهم وقال للابو طلع اولادك وجابهم وخاصمهم زوجي وقالهم ياويلكم لو تعملو ازعاج هههههه

زوجي قال لصاحب العماره انا انسان اشتغل وشغلي صعب اي غلطه اروح بمصيبه اذا في بيتي ماارتاح فين ارتاح يايطلع هو ولا انا وانت اختار ولما سكت دور زوجي شقه ولقينا وكان باقي 3 شهور على الايجار الثاني وطلعنا والله كل الجيران لامو صاحب العماره قالو له على زوجي يكفي انه كان يخاف على اولادنا ويخاصمهم ويطلعهم تتصل جارتي تشكرني تقولي ابغاهم يطلعو ماسمعو كلامي والجيران كانو متاذين من اولاد الي فوقنا وقالو له المفروض تتطلعه هو وكثير قالو بننقل من العماره وزوجي مره كان بيجيب الشرطه لهم وهدو الموضوع بعدين

الكل زعل اننا بننقل لان زوجي مع كل الجيران حتى الي كان يتخاصم معاه يسال ويسلم عليهم يقول هذولا جيران وزي الاهل لازم نسال عنهم ونحترمهم والله يقضي ليا ولهم الخضار والفواكه ولا اذا سويت حلا يقولي اعملي صينيه ثانيه وارسليها

لكن مو لدرجة يخاف منهم اي شي يضايقه يكلمهم والبيت القديم الجيران الين اليوم متواصلين معانا حريم ورجال

هذا البيت برضو في اصحاب العماره ونسال وندور عليهم ولما يغيبو يومين يدور عليهم لا واذا كل العماره فاضيه يبطل من الخرجه يقولي لايجي حرامي يسرقهم خخخخخ

والحين في مشكله في الحمام عندنا كلمهم وقالهم انا اول مره صلحت لكن المشكله من مواصير الحمام الداخليه وجو الين البيت وجابو سباكين وكل شي

لازم زوجك يفصل بين الاحترام والاستغفال

هما كذا يستغلوه اسال عنهم واتكلم معاهم وكل شي لكن لاترضى بالغلط لو خرب في بيتكم شي بيخلوكم تصلحوه بكرا الايجار انتو جيتو وعارفين كم بتدفعوا خففو عنكم جزاهم الله خير ماخففو هذا بيتهم ومن حقهم ينتفعوا منه

لكن ابدا مايصير كذا لازم يحترموكم

اجلسي مع زوجك وقولي له

وعلى فكره انا زوجي على الاحترام وكل شي لكن مايرضى بالغلط انا مو ملزوك اصلح لكم بيتكم واذا بنعمل شي في البيت نستأذنهم ونقولهم ترى بنعمل كذا عادي او لا اذا رضيو ولا بكيفهم احنا في النهايه بننقل وهذا بيتهم هم

ونقصو لزوجي من ايجار البيت ياريت توصلي لزوجك تعامل زوجي كيف وانه فوق هذا كله نقصو من الايجار والله يشوف زوجي الاولاد الصغار راجعين من التحفيظ ونكون خارجين يوصلهم لباب البيت ويخاصمهم لو نزلو لحالهم ويتصل على ابوهم ترى الاولاج انا طلعتهم لاتخليهم في الشارع يتعامل معاهم كانهم اخوانه موة اصحاب عماره لكن الغلط مايسكت عنه والاولاد لما يشوفو زوجي يحترموه ويجو يسلمو عليه لما يجو عندي يسلمو كلهم ومؤدبين اعطيهم عصيرات وحلويات بالقوه ياخذوها ويتشكرو الف مره (مؤدبين لكن شقوتهم في بيتهم الله يحفظهم)

فهمي زوجك ان الطريقه غلط وانه لما يشوف تعامله كذا ممكن يرفع الايجار مابيحن عليكم

بالنسبه لبنتك ابعديها عنهم واجلسي انتي معاها ولما يدقو الجرس كثير اتصلي على امهم وانتي معصبه وقولي لها لو سمحتي انا تعبانه اليةوم لايدقو الجرس كذا

واذا دقو الشبابيك اعملي نفسك انفجعتي واجري عليهم وخاصمي او اتصلي على زوجك وقولي له حرامي من الشباك بيجي مفجوع ولما يعرف انهم هما انتي عصبي وخاصمي وقولي له دحين تتصل انت على ابوهم وتشتكي ولا انا بكلم الام واتخاصم معاها واذا قالو لك اطفال قولهم بخلي بنتي تبهدلهم واذا زعلتو بقولكم طفله

اسفه طولت بس بصراحه اتنرفزت وزعلت عليكي انا من جري الاطفال فوق جلست ابكي عشان ماقدرت انام كيف انتي

والله انها كثرررت قلة الحياء من عيال الجيران لاوالممشكله ان تكلمتي قالو بزران حليلهم !!!!!!!حلو بزر وجع ثم وجع يرببون عيالهم بعدين يتكلمون بالرحمه ...انا ماعندي تفاهم قرصه بالاذن وارفع صوتي حبتين واقول مره ثانيه لاعاد اشوفك فهمت ولالا ..و لااكلم امه ولا شي انا اتصرف بطريقتي لان امه عادي بتجلس تضحك وترقع له لاحبيبي مايسويها يعني طلعتني كذابه ...

الله يعين عندي وعندك خير وقسم بالله انا اخا ف يجيلي ضغط من هالبزران ولا المشكله مو ايجار بيت اهل زوجي يدقون السماعه ويعلقوون عيها والجرس محروق من كثر مايدقون حطيت جزامه بناتي وانتي بكرامه عند الباب وكل فتره وهم سارقين منها رجعت دخلتها البيت والله حاله واذا شافوا بناتي برا والا طالعين مكان قعدوا يسبون ويتفلون واذا خاصمت قالولي كلام وصخ ولاهمهم واذا شكيت لامهم قالت لا لا عيالي مايسوون كذا !:angry2:
والمصيبه زوجي مستحييييل يواجه اهله ويقلهم:06:
مااقول غير حسبي الله ونعم الوكيل

الله يعينك

كل شوي تقولين راعين البيت راعين البيت حسستيني انكم ساكنين ببلاش ياعزيزتي انتي دافعه ايجار لك الحق في هذا البيت الحين ياختي اتصلي على امهم وقولي لها وش قلة الحيا ذي