عيال خالي

‏السلام عليكم يا اعضاء حواء

‏عندي موضوع مهم وفي نفس الوقت شوي قاسي طبعاً لاشك ان كل الناس يحبون يتعلمون ويدرسون في ارقى الجامعات ويكملون دراساتهم والنص الثاني مايحب الدراسه لأنه تعب منها وفشل كثير واتجه لأعمال ثانيه عندي عيال خالي 2 الكبير اخذ الثانوي وما قدر يكمل يقول عقله مايستوعب الدروس ابداً ابداً وكل شخص حر في نفسه واخوه الثاني كمل جامعه طيب سؤالي هنا ليش الكل صار يحترم اخوه الصغير ويحبونه ورب الكعبه اذا شافوه اهله وامي بالذات كأنهم شايفين الكعبه بعكس اللي ماكمل جامعه مهمشينه ويسبونه ويشتمونه واستنقاص كثير من الأهل واولهم امي تدعي عليه وتناديه يا الفاشل وامه وجداني بعد وهو ساكت مايتكلم بالرغم من انه طيب وخلوق جداً ويحب يساعد الغير بعكس اخوه ذاك يسب ذا ويشتم ذا اللي فهمته ان الناس معد تهمهم الأخلاق يهمهم المنصب والشخص اذا كان جامعي فقط الأخلاق خلوها على جنب بصراحه احس شي مقزز الاسلوب ذا ليش مايخلون احد في حاله طيب هو حر في نفسه وعلى فكره عنده مشروع مطعم وتوظف براتب 8000 الاف يمكن شاف نفسه يعشق مهنه التجاره كل شخص يخطط حياته زي مايبغى
‏طبعاً هو اخوي من الرضاعه وفي نفس الوقت ولد خالي لاكن مستغربه من السب والشتم اللي يجيه من اهله واقاربه هل بسبب الدراسه لازلت مصدومه