عيال زوووووجي.......و أمهم..

السلام عليكم:26:
أدخل في الموضوع من غير مقدمات:أولاد زوجي لما يزوروني في البيت أنبسط كثييييير من معاملتهم لأنهم شايفين و لله الحمد سعادة أبوهم معايا لدرجة إنو واحد منهم طلب يسكن معانا عشان أمهم الله يهديها على حسب كلامهم ما تعاملهم زين....بس أنا رافضة الموضوع لأنها أم حرام تنقهر على عيالها و تحس إنهم خذلوها.أنا كمان أم وعندي عيال (إخوانهم و أختهم).و الصراحة حتى أبوهم ينصحهم إنو هادي أمكم لازم تكونو بارين بيها و دايما يقولهم احنا صحيح تطلقنا و كل مين عايش حياته بس إنتم ما حطلقو أمكم هي ربتكم و تعبت عليكم،هما يبغو يحسو إنهم كبرو و يقدرو يتحملو المسؤولية بس هي تفرض عليهم رايها و إذا ما نفذوه تزعل و تدعي عليهم.......و البنات لما يزوروني أنبسط من دخلتهم علي لكني أحيانا أشوف الغيرة في عيونهم...يعني مثلا يكونو قاعدين مع أبوهم (أنا أسيبهم ياخدو راحتهم معاه و دا أبسط حقوقهم)المهم لما آجي أضايفهم ولا أشوف طلباتهم يقومو يحضنو فيه و يا بابا احنا نحبك و من الكلام ده .....ما قلنا شي عيالو بس ليش مزودين الدلع في حضوري حتى أبوهم انتبه لحركاتهم و يقولي اعذريهم من غيرتهم...لكن اعذروني أنا كمان كده بغير أنا أحس و ربنا شاهد علي إني مو مقصرة معاهم.....لما يغيب عنهم فترة طويلة أقلو يروح يزورهم أو أطلب منه نكلمهم سوى.......ادعولي ربنا يوفقنا و يرزقنا من حيث لا نحتسب............آآآآمييييينن
للتوضيح أصغر واحد فيهم عمره 25 سنة يعني شباب و شابات في سن زواج.....ما هم أطفال صغار و عمري قريب عليهم و كمان عشان ما أحد يسيء لي ما لي دخل في طلاق أمهم ....
شكرا لمروركم يا حلوات و فيدوني برايكم :26: