عيال وبنات عائلتنا في الاربعين والخمسين وبدون زواج

موضوع الزواج ما يضبط مع عائلتناعندي اخوان اثنين واحد فوق الثلاثين والثاني ٢٩ ولا تزوجوا والي كبرهم عيالهم في الابتدائي عندي اخت فوق الثلاثين ما تزوجت ولا تقدم لها خطيب واحد
عندي اكثر من خال بنات اكثرهم فوق الثلاثين ولا تزوجوا وكثير من عائلتنا بنات وعيال اعمارهم كبيرة وما تزوجوا خالتي في الاربعين والحين داخلة على الخمسين وما تزوجت وخالي في الخمسين وما تزوج ابد وخالي الثاني تزوج في الخمسين وزين ما يطلق وخوالي الي تزوجوا وهم شباب بناتهم وعيالهم مب متزوجين واعمارهم فوق الثلاثين
اغلب عائلتنا عزاب وعازبات مع ان احنا كبار وبعضهم في الاربعين ولسا ما تزوجوا
اخواني متوظفين وابوي عنده اراضي يعني يقدرون يدبرون حالهم ويسكنون تمليك بس ابدا الحظ مو محالفهم وما هو محالف العائلة بكبرها شنسوي؟؟؟؟
عيال الحارة يخطبون ويتزوجون وبين فترة والثانية نسمع صوت رشاش لان فلان بيملك وتوه مخلص جامعة ما شاء الله عليه وعائلتنا وصلت الاربعين والخمسين وما في نصيب شنسوي؟؟؟؟
بين فترة والثانية يجينا كرت دعوة لعرس احد عيال الحارة وعائلتنا بدون زواج
الفرح والطار كلش ما يدخل عندنا ويوم تزوج خالي الي في الخمسين يقول ما عجبته مدري ايش وعطوراتها ما هي زينة يحسب نفسه بزر يتخير ويتشكل ما يدري انه وصل لعمر انه ما في ولا واحدة تقبل فيه