تخيلي نفسك قاعده في أمان الله تسولفين وفجأه قلتي كلمة بنظرتس عاديه وتحصل أحد ينط لتس ويمسكها عليتس ويقعد يتفلسف
مثلا مره كانوا يحكون لي عن شاب نعرف أهله وخويه صار لهم حادث الشاب تكسر ودخل في غيبوبه وخويه مات على طول الله يرحمه ...كنت خاشه في السالفه ومتعاطفه مع الآدمي ويوم خلصت السالفه ختمتها بكلمة ياحياتي <<تعاطفا مع الشاب
قال لي شخص: أنا عارف انه ماتقصدين بكلمة (ياحياتي ) كغزل أو حاجه بس لاعاد تستخدمينها لأنه عندنا عقليات بيفهمونها غلط لو بتقولينها قدامهم
قلت له : انا مقتنعه بالكلمه وماطلعت معاي الا تعاطفا أما الناس فما علي منهم ومحد سلم منهم فليه أحسب لهم حساب !!
الشاهد من القصه انه فيه ناس يمسكون عليك كل كلمة ويقعدون يحللونها
يايقولون عيب
يايقولون حرام
وغيرها من الأسباب
لين سألت ليه عيب ؟؟ قالوا المجتمع !! طيب أنا وش علي من المجتمع ؟؟ أوكي أنا عايشه معاهم وبينهم بس مو معناها إني أسوي شي أو أغير طريقة كلامي عشان يرضون علي المجتمع !! اذا كان ( بعض ) افراد المجتمع عقليتهم محدوده ( مع احترامي للجميع ) فمو معقوله أتغير عشانهم
المجتمع مو يجون يحكمون على نيتي
مثلا كلمة (ياحياتي )
بعض المجتمع يمكن يقول ( ماتستحي على وجهها تقول هالكلام,,, ياخزيااه,,,ماتربت)
اما الفئه الواعيه بيعرفون أنه ( كلمة مثل غيرها من الكلمات تعبر عن التعاطف وانه كل شخص له طريقته )
ونجي لسالفة الحرام (دينيا )
مثلا قاعد ونفس الشي تسولف وقالوا لك عن شخص صار له حادث ( وش فيني على الحوادث
) والا صارت له أي مصيبه ( الله يبعد عننا المصايب ) وانت قلت ( ياحراااااام ) << نفس الشي تعاطفا فجأه يجيك شخص وينط لك حرام ومايجوز....الخ
طيب ليه حرام ومايجوز؟؟
بيجي يقول المشايخ قالوا وماادري ايش وانه اعتراض على القدر وممكن يعطيك الفتوى كمان
يؤ اعتراض على القدر مره وحده
طيب أنا يوم اقول ( ياحرام ) ايش كانت نيتي ؟؟ تعاطف ؟؟ والا اني جايه بالفعل اعترض واجي اقول ليه ياربي سويت للادمي كذا ؟؟
ليه مانشوف نية الشخص مانشوف الكلمة؟؟
طيب قبل لاتجون تقولون لي مايجوز وحرام ليه ماتحكمون على النيه ...نسيتوا حديث الرسول عليه الصلاة والسلام ( إنما الأعمال بالنيات )
يمكن يجي أحد يقول لي طيب ابعدي عن هالكلام أسلم لك حتى ماتقعين في المحظور شرعيا
بيكون ردي ,,, دام إن نيتي صافيه عند ربي فهذا اللي يهم وفي الأخير احنا بشر ومحد محاسبنا إلا رب العالمين
وعلى طاري الحرام ومايجوز والفتاوي
مره شفت حاجه ماأدري اضحك عليها وإلا أبكي والا وش اسوي
كنت أفرفر في النت أدور على فتوى ودخلت على موقع فتاوي ناسيه ايش هو بالضبط ... المهم اني لقيت فتاوي حدها عجيبه !! مع احترامي بس إني اقراها وأنقد على اللي سألها
من الفتاوي ,,, احد يسأل عن ( ماحكم إطفاء الأنوار وقت الزفه ) خخخخخخخخ بالله هذا وش نقول عليه
عن جد فيه ناس مايمشون إلا بفتاوي ويسألون عن اشياء ماأدري وش تبي
معليش بس الله عطانا العقل عشان نفكر ,,,أما الفتاوي عن الأمور التافهه بمجرد مانفكر فيها راح نكون عارفين الإجابة لها بس ليه انه لازم نسأل شيخ وعالم ؟؟ فيه أمور أهم إنه نسال عنها ونحتاج فيها فتاوي !! ياخوفي بكره يجي واحد من المتزمتين ويسأل ( ماحكم الاستحمام بالشامبو
)حلو الواحد يلتزم بالدين ويحاول يتجنب الوقوع بالحرام بس مو معناها تضيقون على المسلمين وتضيقون على أنفسكم
عن جد تحسين انه فيه ناس بس ودهم كل شي يصير حرام وتناسوا إنه ديننا دين يسر !! ليه يعسرون على المسلمين ؟؟
ولا ننسى ( لاتسألوا عن شي إن يبدو لكم يسؤكم)
سلاااااااااااااااااام
مما راق لي بعد التعديل هههههههااااي
بس يلكرهي لهم اللي يتفلسفون وهم من جنبها
انتي ماعليك منهم مدام نيتك سليمه وواثقه من نفسك