عيب والله عيب

بسم الله الرحمن الرحيم

السلام عليكم ورحمة الله وبركاته,,,,

بقول لكم موضوع يخص لكل وحده متزوجة ,,, وأتمنى أعرف رايكم هل هو عيب أو أنا بالغت لو قلت عيب


وهو الكلام في الأمور الخصوصية بين الزوجين والله أستحي أسمع وحده تتكلم عن أمور خصوصيه بينها وبين زوجها

حتى لو بعض الأمور يمكن يعتبرها البعض عادي بس والله عيب

بعطيكم مثال / كثير مو وحده تسألني وش طريقتي في مانع الحمل ؟؟ استخدم شيء أو غيره؟؟؟ ( عدلت هنا للتوضيح ماأقصد وحده تبي تستفيد ومحتاره في أمرها أقصد اللي تسأل فضول )


يمكن هالسؤال يشوفه كثير عادي ,,, بس والله أنا أشوفه عيب

أحس ماأحد له دخل في هالأمور الخاصه ,, خصوصا احنا في زمن مافيه جهل في هالأمور ولا في وسائل منع الحمل


بس العيب الأكبر

وهو اللي رافع ضغطي وحده تجي تتكلم بكلام خاااااص جداً وأشوف قله أدب منها تخلي الغير يعرف عن هالأمور الخاصه بزوجها أو بحياتها الزوجية


يعني وحده تتجي تتكلم تقول زوجها بسرعه (.....) طيب وش تبي نسوي لها ؟؟؟ وهالأمر خاص بزوجها وعيب تطلعه للغير

أو وحده تقول متى آخر مره حصل بينها وبين زوجها شيء


وغيره كثيرررررة بدون تفصيل ,,,, لاتقولين هاذي أختي أو أمي وعادي أقول لها



تخيلوا بعد ماطلعت من الأربعين وحده تسألني ها متى حصلت الأمور وكيف الوضع ؟؟؟


خير ان شاء الله ,,,, وش دخلها والله عمري ماسألت أحد حتى لو هي قريب مني


أمي وهي أمي ولا مره سألتني عن هالأمور ابداً


هالأمور خاصة وحساسه انتبهوووووا تتكلمون فيها أو تسألون عنها لأي وحده

عيب عليكم والله ,,, طبعاً ماأقدر كل البنات أقصد اللي من هالفئة




وترى ماأقصد بس في العلاقة الحميمه حتى فيه أمور ثانية وكثير

مثلا كم راتب زوجك أو كم يعطيك واذا زوجك حصل منه شيء لاتفضحينه عند خلق الله

حتى لو طلع لواحد من البشر كل مايطلع من كلام لواحد أعرفي ماراح ينحصر عند واحد ولا ينقال عنه سر


خصوصا اللي عندها عيال فكري بيجي يوم ويكبرون عيالك الولد اذا بيخطب بيقولون ابوه كذا

والبنت نفس الشيء يعني ممكن تخربين على حياتهم بالمستقبل بدون ماتقصدين



مثل وحده دايم تشتكي من بخل زوجها للناس كبروا بناتها وكل ماأحد بيخطبهم قالوا لهم أبوهم بيخيل وراح يتعبكم




انتبهووووا يابنات لاتعطون مجال لأحد يعرف عن خصوصايتكم لأنها مو من حق أحد يعرفها

واذا انتم ماقدرتون تحافظون عليها كيف تبون من الغير يحفظها بدون مايطلعها للغير



مع التحية

أصيلة المجد