عيدناوالخرفان

السلام عليكم ورحمه الله وبركاته :26:مساالخير اوصباح الخير للي ماجاهن النوم مثلي:)ابدخل ب الموضوع على طول تشرون ملابس لعيد الاضحى والا لا انا عن نفسي اشرى بس وش الفايدة ابقول برنامجنا يوم العيد اللى كل سنه هذا هو الله لايغيرعلينا نصلي العيد ب المسجد ثم نروح بيت خالي اللي هو ابو :arb:ثم يجن سلفاتي ويجتمعون العاىله الرجال طبعا ب الحوش يذبحون الخرفان والحريم ب المطبخ يطبخن ويغسلن:angry:ويهذرن والبزران نسيتهم كل شوي داخل علينا بزر اللى هو طفل ترجمه للي مايعرفون كلمه بزر نرجع لموضوعنا كل شوي داخل علينا:icon33: وش فيك لاحقني الخروف من قال لك اطلع ب الحوش عند الخروف هذا الجواب من الحريم اللي ب المطبخ اللي كل سنه يقولنه ثم تدخل علينا البنت:icon33:وش فيك الخروف يناضرني بعيونه يعني وشلون تبينه يناضركي بخشمه مثلا :mad:المهم يخلصون الرجال من مطرسه اللحم وكل واحد يدخل ويدينه مليانه دم على بالى قدام زوجته انه هو الى ذابح الضحيه ومقطعها وباقي الرجال مايعرفون مهوب كل سنه تلعبون علينا ترانا نعرفكم زين :mad: المهم خلص الفطور وكل العاىله افطرت اذن الظهر وخلص عيدنا في بيت خالي وكل حرمه ضفت بزرانها وراحت تكمل عيدها عند اهلها وسلامتكم الموضوع للفرفشه لااقل ولااكثر كل وحده تقول لنا برنامجها يوم العيد :26:ادعوا لي يجيني النوم علشان مااكتب موضوع ثانى تالي الليل خلص موضوعي الحمد لله :icon28:سبحانك اللهم وبحمدك اشهدان لااله الا انت استغفرك واتوب اليك