عيدنا الاضحى مو زي الناس

كل عام وانتم بخير وتقبل الله منا ومنكم صالح الأعمال اهلي من يوم كنت صغيره نفس العاده مايغيرونها وهو ان يوم عيد الأضحى يتعبون أنفسهم تعب مو طبيعي يذبحون ٥ خرفان وما يخلصون من الشغل الا بعد العشاء طبعا ما يجيبون قصابين ولا شغالات ينظفون ولا شي معن حالتهم الماديه كويسه اذكر يوم كنت طفله يمر الظهر والعصر والمغرب والحوش مليان دم ووسخ وامي وجدتي يقطعون لحم وينظفون الرؤؤس والجلد واللحوم والشحم في كل مكان وطبخ ونفخ كنت اشوف اطفال الجيران في الشارع لابسين وكاشخين وانقهر انا واخوي ونقول لامي ليش هم لابسين وحنا لا ترد علينا أن هم مخلصين شغلهم وحنا عندنا شغل كثير واستمر ها الموال لحد الان اليوم خواتي جدا منفسات ومن حقهم البيت جدا وسخ ولويه وشغل كثير، يستمر إلى بعد العشاء ثم الكل هلكان لا تقولون شعيره وعباده ادري والله ادري واسئل الله أن يتقبلها بس مو يمر العيد كل اليوم كذا وأهلي مدري ليه رافضين يودونها للمصلخ او يجيبون ذباح او يجيبون عامله تنظف حنا ما نلحق اشوف الناس يكشخون ويحلون ومستانسين كنهم في عيد فطر مش عيد أضحى واسئل نفسي ليش هم ما يضحون بعدين عرفت انهم يذبحون بس يخففون على أنفسهم مو زينا