غدا انسى :

كل عام وانتم بخير مقدما موضوعكم مره حلو وجميل لكن للاسف ولا وحده ذكرت انها تروح مخصوص هي واولادها لبيوت الفقراء او المساكين او الوافدين الفقراء عشان تعطيهم عيديات او حتى لعيالهم الصغار؟ يعني حنا نفرح ونستانس وبرضوا عطايانا لعيالنا وبس؟ "وقليل من عبادي الشكور"

كل عام وانتم بخير مقدما موضوعكم مره حلو وجميل لكن للاسف ولا وحده ذكرت انها تروح مخصوص هي...

*ملاذ* :

كل عام وانتي بخير مدري شهر رمضان هذا اول مره احسه سريع مره تفاجأت اننا دخلنا العشر الأواخر الله يتقبل صيامنا وقيامنا ويغفر لنا ويرحم موتانا وموتى المسلمين ..... العام كنت عند اهلي وقضيت العيد معهم هالمره مع اهل زوجي كل سنه نروح لبيت ابوه الله يرحمه ونعيد فيه حنا نظامنا قديم ومازلنا متمسكين فيه ...وان شاء الله ما يتغير تعودت عليه معهم .... طريقتهم ما شاء الله عليهم بعد صلاة العيد كل ناس يكونوا مسوين عيادهم الي هو عبارة عن كبسه وكل وحده وفنها بالطبخ وتزيينه وقهوه وشاي الرجال يفرشون عند المسجد ويمدون سفرتهم لكل شخص حتى العمال يقلطون معهم والمسافر والضيف ويتقهوون وبعده كل واحد يروح يعايد ربعه ومن له حق عليهم .... حنا يالحريم كل عائله تجتمع عند اكبر وحده في السن احتراما لها حنا طبعا عند زوجه اخوه الكبير نجتمع كلنا الحموتا حوالي الساعه سبع اذكر وقتها كنت اضحك منهم واقول خير كبسه على هالصبح >>> جايه من الرياض ماعندنا هالحركات هههههههه وبعدين تعودت والعام اقول لأهلي ليش ما تسوون مثلهم والله ان عيدكم بارد .... عند اهلي بس شوكلاته وقهوه ونوم للمغرب استغفر الله نرجع لحمواتي نتقهوى وننبسط ونطرطع مع المبزرة ووناااااسة والله وبعدين على الساعه عشر كل وحده من غير مطرود تروح لبيتها عاد هي ونظامها تروح زياره لأهلها او تنام احيانا يكون فيه ضيف جاي في المنطقه وتكون في ولائم عشاء وبكذا نكون حللنا ابو العيد اربع ايام سهرات وعشاء ووناسه الله يديمها علينا احيانا نخيم بس حسب الجو ..... تجهيزاتي من غير لبسي واشيائي الي ولله الحمد خلصت منها باقي اطفال العائله بشكل لهم هدايا واغلفها بس الى الأن متردده اشتري جاهز او اسويه بنفسي وليلة العيد بنشتري حلاو العيد واغلفه بسله واخذه معي والله مدري هذا الي اذكره والعذر ما اعرف انزل صور بالأيباد بس يمكن اخلي اختي تضبط لي وتعطيني الرابط بس اشوف اغراضكم اول ههههههههه يالله انا اول وحده ردت ما صدقت ههههه الله يبلغنا العيد لافاقدين ولامفقودين يارب ويتقبل منا ومنكم صالح الاعمال يارب ويتم علينا نعمته ....

كل عام وانتي بخير مدري شهر رمضان هذا اول مره احسه سريع مره تفاجأت اننا دخلنا العشر الأواخر...