عيد حزين ): وكل الايام حزينة

زوجي مثل ما قلت لكم ما يقعد في البيت أبدا امس العيد ما قعد جا وقت متأخر بالليل وما نام وطلع الفجر رجع العصر ونام وانا انتظره يقعد تخيلوا يوم قعد اتصلو فيه اهله راح يزورونه !!!!!!!!! وطبعا راح يقعدو لوقت متأخر وهو أكيد راح يطلع بعد ما يطلعوا طيب وانا حتى لبس العيد ما لبسته ولا حسيت بفرحة العيد قهرني يوم قالهم تعالو انا بعد تعبانة وأريد ارتاح ليش حظي كدا ليش ما فكر يطلعني او على الأقل يجلس معاي ولا مرة استانست بالعيد معاه وهذا اول عيد يكون موجود دايما اهله في المقدمة في كل شي من يصير دقيقة وحدة بالبيت الكل جا والمشكلة يزورونه مو حب فيه لانه يعطيهم فلوس وهدايا وانا ما يعطيني اي شي انا تكلمت قبل عن سالفة الحمل ودي بطفل اقضي معاه وقتي مليت من الوحدة والمرض وهو ما يتواجد واذا تواجد لازم يصير شي لاااااازم ( زيارات حالات وفاة إلخ ) وانا متاكدة لو ما اتصلو اهله لازم يطلع شسوي اذا كلمته بعصب وراح يضربني وهو يموووووت في اهله واللي يقهرني مهما سووو ما يصرخ عليهم ( ساكنين معانا على فكرة بس طلعو الصبح ) واذا جلسنا جميع يقعد يراقبني بس يعني لازم اضحك طول الوقت واجامل لان اي حركة أسويها راح يحاسبني عليها وما يراقبهم ما يراقب حركاتهم مع ان حركاتهم تغث تمووووت بس يخاف يزعلون وزوجي طاااااقة سلبية رهيبة مستفز درجة أولى واستفزازه بس لي انا يعني اذا جلسنا جميع وانا بالغلط كبيت شاهي ياااااا ستر الله يصارخ واذا اهله كبو دلة شاهي لحالها يعمل حاله ما شاف شي !!!!!!! وفي الجلسة يقعد ساااااااااكت طيب اسألهم اي سؤال انته مسؤل عنهم تصرف عليهم وما تصرف علييي تكلم اسألهم وين رحتوا اشسويتو ليش كدا وليش مثل ما تضغط علييي نفسيا اضغط عليهم ليش دوم الفرح حواليهم وانا لا ليش الدمعة ما تفارقني والابتسامة والضحك ما تفارقهم ودي مرة وحدة تصير مشكلة بينه وبينهم مستحيييييييل مع ان اغلاطهم كبيرة ( تخيلو بنات يشربوا سجاير وشيشة وطلعاتهم اي وقت ما يحاسبهم ) لا تقولوا عني حقودة او قلبي اسود حطو حالكم مكاني وحدة وقهر ودموع وفوق كل هذا خايف احمل ويزعلون طيب ليش كل هالخوف !!!!!! ليش ما تقعد معاي وتدلعني ليش تدلعهم بسسسسسسس ليش تدور رضاهم ليش هالخنوع جدامهم والله اكتب وقلبي ميت قهر عندي مشاكل ومشاكل ومشاكل ودي ارتاح وافرح انا كتبت لكم جزء بسيط والباقي اعظم أدعو لي خواتي ):