عيد ميلادك اكسبيه لا تخسريه

سلام للصبايا
انا رجعت لكم بموضوع مجرب و ان شاء الله يعجبكم

اعياد الميلاد شو بتعملوا فيها؟

نسبة من الستات بحكوا انه اعياد الميلاد حرام و بهملوها

لكن انا لا اقصد حفلات عيد الميلاد، انا اقصد لما ييجي يوم ذكرى ميلادك شو بتعملي فيها؟

على كل احكيلكم طريقتي في عيدميلادي و اتمنى تعجبكم الفكرة

يوم ميلادك هو يوم واحد بالسنة بيجي ( و عكس الستات اللي بحكوا انهم كبروا سنة) انا بقول عنه انه اول يوم من سنة جديدة في حياتي ان شاء الله

قبل عيد ميلادي بيوم ا اثنين بجلس احاسب نفسي ايش الانجازات اللي حققتها خلال السنة ، ايش الافكار الجديدة اللي اكتسبتها و ايش العادات اللي غيؤتها بنفسي و العادات الجديدة اللي تعودتها
ترى كله بكتبه بدفتر خاص

و يوم عيد ميلادي بلبس جديد و ب زبط حالي و بطلع و لو مشوار خفيف اتغدى برة ليشش؟ عشان احتفل يالانجازات اللي عملتها مهما كانت سخيفة

و كمان بشتري لنفسي هدية مكافئة اشي بكون طول السنة نفسي فيه :icon28:

و بالليل بجلس في غرفة هادئة و بجيب الدفتر اياه و بكتب الامور اللي بدي انجزها السنة القادمة :time:

بقسمها الى :
امور جسدية ( عناية بالجسد، اشتراك بنادي، تنحيف، تسمين، الخ) :3_2_8v:
امور دينية( مواظبة على السنن، مواظبة على القران، تثقيف ديني، عمرة، الخ)
امور مادية(شراء شئ ارغب به بشدة و احوش له و ياريت كل سنة تشتري شئ او اثنين عيار ثقيل)
امور نفسية( الوصول للاسترخاء، تقليل العصبية، تحقيق الانسجام مع النفس و الغير،اكتساب او تغيير عادات معينة، الخ)
امور عائلية( عمل نشاطات مع الاولاد، عمل نشاطات مع الزوج,الاهل، الخ)
امور زوجية( زيادة التواصل بيني و بين زوجي، اكتساب او تغيير عادات في الزواج،الخ)

طبعا لسة في كمان اشياء بس كل وحدة و اهدافها

المهم بكتبها على ورقة او اوراق و بعلقها على باب خزانتي من الداخل لما افتحه بشوفها

وبين فترة و فترة برجع وز بقراهم اشوف شو عملت

لحد ما ييجي عيد ميلادي القادم

و هيك كسبت عيدميلادي باشي حلال و مفيد و كافات نفسي و حققت و لو جزء من اهدافي :32:

المهم ارجو انه الموضوع يكون اعجبكم و انتظر ردود فعلكم :22: :icon18:
سلام