ملامح الأنوثة :

بنات أنقطع عني النت هذا الأسبوع وجربت الحياة بدون نت أشتقت لكم شكرا للي سألو عني بنات انا تعبت خلاص من الشغل في البيت والدوام واقفة على رجلي طول اليوم ومع ولدى وزوجي مايقدر تعبي وترتيبي ويرجع كل مرة ولا كأني رتبت وأخت زوجي اللي ساكنة معايا هي عسل والله الله يسعدها بس هي طالبة وماعندها وقت تساعدني ونفس طبع اخوها اللي هو زوجي ارتب من هنا تتقربع الدنيا من هنا انا انهرت خلاص وتخليت عن مبادئي فقررت إني أجيب شغالة وخلاص لو هدى الفترة اللي هي ساكنة معايا ماكنت اتخيل نفسي رح اجيب شغالة بيوم من الأيام حتى لوكنت موظفة بس الظاهر انو كلو شعارات بس حتى لو جات رح ابقى معاكم على طول أدعولي بتيسير أمري سبب حالتى النفسية السيئة هدى اليومين وهذا القرار اسباب منها أمثلة بسيطة جدا : 1) توي رتبت وكنست وعطرت البيت وغسلت حمام الضيوف جارتى بتنزلي يجي زوجى من الصلاة ويدخل حمام الضيوف اللي عند الباب بيعبي موية لمدري مين وطبع اسود شبشبه في الحمام ولا كانو وحدة تعبانة عادي رح ترجه تنظف , 2) خلصت من تشييك الحمام ألاقي ولدي عمتو أعطتو كيكة ياكلها دار بالبيت وفتفتها هو لسا ماكمل سنتين يعنى مايعرف ياكل زين ياكل ويفتفت 3) الحمام اللي هيا تستخدمو حمام مجلس الحريم كلو شعر وفرش مرميه وانا منظفتو العصر وهدا بعد المغرب 4) بنات خالتها يجو عندها وكل أكياس الشبس والشوكولاته على طاولة المطبخ والكاسات والصحون اللي استخدموها ما اتغسلت في المجلى اللي انا نايمة عنو نظيف أصحى الصباح رايحة الدوام أشوف لمطبخ يستناني طبعا انا مو متضايقة منها بالعكس انا عاذرتها لأنها تربت فبيت في شغالة فماهي حاسة بالوضع وما أقدر اكلمها طبعا لأنو أنا وضعي حساس وما احب المشاكل بس تعبت وانا اتحمل وانا عندي دوام ما أنام إلا وأنا مهدودة من الصباح واقفة على رجلي . حبيت أفضفض معاكم طبعا مستحيل افضفض مع امي أو أخواتي لأن هذي أشياء خاصة لكن انتو اكتر من خواتي وارتاح معاكم اسفة طولت عليكم بس كان نفسي اتكلم

بنات أنقطع عني النت هذا الأسبوع وجربت الحياة بدون نت أشتقت لكم شكرا للي سألو عني بنات انا تعبت...

أم عبدالملك*** :

هنادي الله يسامحك ويسامحنا ياعسل انتي ماقصرتي ماشاء الله تبارك الله اذا فيكم وحدة مقصرة فهي انا ماكنت أتفاعل كثير انشغلت بالدورات والشغل والنت البطئ والجهاز الشايب يعني حالة وباذن الله أعوضكم الهمم الجاية والله يحقق لك كل ماتتمنين في الدنيا والاخرة وييسر أمورك كلها زاهدة كيفك بعد السهر أنارجعت زي ماوعدتكم مناويتي على الملف بدأت هههههههههه ملامح الأنوثة الله يعطيك الصحة والعافية والموظفة أكيد تتعب وتنهلك وخاصة اذا مافيه أحد يقدر ولايساعد لكن انتي استخيري في حكاية الشغالة ولاتستعجلين ماتدرين يمكن تجيك وحدة تكرهك نفسك وتقولين الله يرضى على قهر زوجي وأخته ولا الشغالة بعضهم تخرب أكثر ماتصلح وتعب الجسم ولاتعب القلب وحاولي تلمحين لأخت زوجك عن حب الناس للبنت الشااطرة والنظيفة والسنعة وانتقدي قدامها اللي يسوي نفس تصرفاتها يمكن تبدأتلاحظ وتخفف من الفوضى حقتها وحتى زوجك شدي عليه شوية علشان يحس بتعبك ويحرص شوية على النظافة ترى الرجال ماينتبهون يحتاجون تنيه يومي زي الأطفال دمعة حزن وش أخبارك ياحلوة تراك ذكرتيني بنفسي ودي أتعرف على الكل والكل يعرفني من كثر ماحبيتهم لكن احنا مشاركاتنا قليلة بالنسبة لهم وحضورنا متقطع خاصة أنا يعني نحتاج وقت يحفظونا افتكرت يوم كانت تجينا أبله جديدة أهلك نفسي علشان تعرفني وتحفظني (بالشطارة طبعاهههههههه) اش رأيك نتفق على قنبلة نفجرها مع بعض في المنتدى ولك عليه تحفظنا السعودية كلها موبس بنات الهمم ههههه وأكملك بياناتي أنا من مثلث برمودا ههههههه(الجنوب والشمال والغرب ) جنوبية وحياتي كلها في الغربية والحين عايشة في الشمال وحبي كله للطائف وأهله

هنادي الله يسامحك ويسامحنا ياعسل انتي ماقصرتي ماشاء الله تبارك الله اذا فيكم وحدة مقصرة فهي انا...