مرحبا


ايوه اقولك ياشايفه ولا يهونون البنات


احنا يالاناث بصفه عامه محتاجين الحب والحنان والاهتمام والحنيه , وفي مرحلة ماقبل الزواج تكون البنت محل اهتمام اهلها الام والاب والاخوان والاخوات
لكن اذا تزوجت فانها في الحقيقه تمر بمرحلة انقلاب وخلا ص تقريبا اهلها يخففون اهتمامهم فيها ونفس الشي خواتها
المهمه من نصيب الزوج اللي وللاسف احيانا يجهل حاجة الانثى للحب والاهتمام والثناء
ويعتبرها شي ثانوي , وهنا تبدا رحلة العذاب وتحاول الانثى تحفز الطرف الثاني لبذل الحب ولكن هيهات

بالنسبه لي اي نقص في الاحتواء والاهتمام والرعايه

اعوضه باني اعطيه لنفسي

ولما اقدم الشي اقول تسلم يدينك ياقلبي

ولما تمر مناسبه ومايهديني انا اهدي لنفسي واكتب الكرت باسمه

وهكذا


يعني ممشيه حالي بهالطريقه رغم اني احيانا اضحك على نفسي


لكن اللي كاسر ظهري زوجي لما يجي لاهله تتغير معاملته لي مره , حتى لو بيقول لي شي يكون متحفظ مدري خوف من اهله ولا حيا , لاويناديني احيانا بصوت عالي عمره ماسواها ببيتنا وشغلات كثيره مو عاجبتني

الله يعين امين

تكفون بنات من على هذا المنبر

ادعولي ان الله يعوض صبري خير ويرزقني الذريه الصالحه
وجميع المحرومات


امين

موضوعك رااائع و يستاهل التميز اكيد
ولمست من اسلوبك انك انسانه قوية صامدة ...عينك على الهدف فقط !!!
انا معك في كلامك ..لا حياة مع الياس و لا يأس مع الحياة
الرجل مهما كان قوي و عنيف احيانا و قاسي احيانا اخرى لكن يظل انسان من لحم و دم
و يأثر و تتحرك مشاعره حتى لو ببطء لكنها تتحرك و الشاطرة اللي تعرف كيف !!!!
مشكورة اختي :)

و حبيت بعد ادعي لاختي ( تقوى الله )
و لكل بنات المسلمين انه ربنا يعوضهم خير و يهدي ازواجهم و يسخرهم لم ان شاء الله آمييين
صبر جميل والله المستعان!

هلا يالغلا شايفة واللي للحين نفسي اعرف وش انت شايفة

عسى موب شايفة نفسك بس خخخ

المهم موضوعك حلو ,,,, ويبعث النشاط والهمة للعودة لمزاولة هذا الفن

لكن من اللي بيمشي معها

اللي تعطي وتدلع وهي ما تنتظر مقابل او حتى ردة فعل ,,,,, ممكن تنجح
لان مثل ما ذكرت يبيلها فترة طويييييييلة

اما اللي بتنتظر ردة فعل حلوة ,,,, مثل حركة الكرت
البعض
بتشوف ان زوجها ما تكلم ولا علق على الكرت الاول ولا الثاني ولا الثالث
بتوقف خلاص
تمل
تطفش
تحس انها تنفخ في قربة مشقوقة

هذي هي اللي بتطفش وتمل

,,,,,,,,,,,,,,,,,,,,,,,,,,,,,,,, فااااااااصل ,,,,,,,,,,,,,,,,,,
على طاري الكرت بعد ما علق ما قلتي صح النوووم
,,,,,,,,,,,,,,,,,,,,,,,,,,,,,,,,, عدنا ,,,,,,,,,,,,,,,,,,,,,,,,,,

والتصرفات اللي ذكرتيها ممكن تكرر كثييير في حياة اغلب الازواج حتى وان كان غير رومنسي

لكن

البعض من الزوجات ما تعتبر هذي رومانسية

تبيه يهديها وردة
يفاجئها بطلعة موب هي اللي تشحذه الطلعة شحااااذه
يحجز غرفة في فندق
يسفرها سفرة خاااصة

لذلك ما يعبرون هذي التصرفاات من ازواجهم ولا يلتفتون لها
لاني اتوقع وهو توقع احتمال خطا واحتمال صح
ان التصرفاات هذي ترد وعلى مواقف كثيرة لكن عددها قليييييل جدا وممكن مرة وحده لنفس التصرف تكفي حتى لو كررتي هذا التصرف
مثل الكرت ,,,,,,,,,,,,,,,,,, علقت على الكرت خخخ

ممكن يعلق هالمرة
لكن في المرات الجايه خلاص ما يتكلم بداخل نفسه انه خلاص عبر عنها وعلق عليها فما له داعي يعيد ويزيد

بعكس الحريم

مثل سؤال
تحبني ؟؟

بالله كم مرة تسال الزوجة هذا السؤال وهو جاوب عليها
هو بنظرة جاوبت وعرفتي الاجابه وشوله التكراااار

اما الزوجة ما يهمها الاجابه لانها عارفتها قد ما هي تبي انه يذكر اللفظ هذا لها
تحن وتشتاق لكلمة حلوة ,,,,, ولاهيب جاية هالكلمة الا بالشحاااذه والسؤااال




المهم تعبت من القرق وكثرت هذر

لكن المختصر مبروك التميز وتستاهلينه
وموضوع حلووووو
من ناحية انه يفطننا على تصرفات ازواج حلوووة وتفي بالغرض لكن نغفل عنها

ميمو..
هلا والله ..ياخسارة اللي طار
الله يعوضني بأحسن منه يااارب..!!
أنتظرك ياقمر..

حلمي هو أملي..
خخخخخخخ ياحبيلك على هالفكره الخطيره..
مااحسها تنفع معي..!!
بس هو من ناحية التعب يقدر شوي..
يعني أنا الحين حامل ولما نرجع من مشوار ويكون معي دوخه خفيفه أتمدد على السرير..
وأقوله تعبانه شوي إذا طلعت طف النور..
يحس فيني شوي وياخذ بنته ويسكر الباب علي...
أريح لي شوي..
بس تعجبني اللي تبتكر أفكار تحقق لو شي بسيط من رغباتها..!!

بالنسبة للي تحب نفسها عند زوجها..
هذي حركه مفيييييده مره..!!
بس أنا أسويها بطريقه ثانيه..
مثلا لما أكون متزينه وأخر شياكه..أقوله : بالله وش رايك في هالزين كله.؟
وأخليه يمدح غصب عنه..!!
ويرسخ مدحه في باله ويشوفني مثل مااشوف نفسي..!!
يعني الكلام اللي تقولين له عن نفسك يرسخ في باله..!!
لا تستهينون بالحركات الصغيره..!!
الله يسعدك يا أموووله وينولك اللي في بالك..!!

جوزفينا..وبعدين.؟؟!!
ماشفتينا عاقبنا مون سون على ردها تقومين تقتبسينه..!!!
طيب روحي صفي معها على الجدار وأقري ردي عليها..!!
ويعطيك العافيه ياقمر..

تقوى الله
فرحت والله بعودتك..


كلامك واقعي وصحيح..ويمكن هذا السبب لأن الوحده تبدأ تستنكر عدم اهتمام الزوج لها..!!
الزوج عموما يحتاج توعيه في حاجات الزوجه ..



ياحليلكم ..شكلي بأجرب أسويها..!!
أنا بيني وبين نفسي مااحاول ادلعها بالكلام..
لكن مااخلي حاجه في نفسي اشتهيها إلاأوفرها على حسب إمكانياتي..
الكلام اللي تقولونه بينكم وبين نفسكم خلوه قدام زوجك احسن تجيب فايده اكبر..!!




طيب لاتسكتين على هالشي ياقلبي..
مافيه شي يجبرك ترضين فيه غصب إلا إذا حاولتي بكل السبل وفشلتي ذيك الساعه اصبري وأسألي ربك إنه يسخره لك..
كان أسهل عليك لو أستنكرتي عليه من أول ماشفتيه يسوي كذا..!!
يعني مثلا:
إذا قالك :مشينا نروح لأهلي ..
قولي لا والله ماودي اروح ..
وإذا سألك ليه.؟
قولي: أنحرج مره من معاملتك لي عندهم..!!
ماكأني زوجتك اللي تداريك وتراعي خاطرك..

وفي أوقات ثانيه فتحي عيونه على نماذج من أقاربه إذا فيه ...كيف معاملتهم حلوه وراقيه مع زوجاتهم..وإنك تتمنين هالشي وتغبطينهم عليه..
صدقيني راح يتأثر ويفكر بكلامك لو شي بسيط..
وإن كانك عروس توك لايضيق صدرك طبيعي بس سوي اللي قلت لك عليه وراح يفيد أكثر لو كنتي لسى في بداية حياتك..
لا تستحين تبدين ملاحظه له على سلوك أزعجك..لكن يكون بأسلوب محبب...
ولا تكثرين ملاحظات ..
الأشياء البسيطه عديها..
لكن اللي تزعزع راحتك وتحرجك حليها بأي طريقه..

مثل ماهو يعاملك براحته وممكن ينتقدك في شي عشان يوفر له كل اللي يبيه أنت كمان من حقك..
الله يرزقك الذريه الصالحه ويسخره لك ويقذف في قلب زوجك حبا لك بعد حبه لله سبحنه..
نورتي تقوى الله ..