كيفكم بنات حوااء
قبل فتره جا على بالي عيش التمر الي كنا ناكله وحنا صغار
كنت اموت فيه واخده معايه للمدرسه ويموتو عليه صاحباتي
مع ان فيه منه في المخابز بس ابدا مو زي حق زماان كان التمر مطلعينه من عيونهم
عاد قمت وسويت عيش بالتمر بس طلع شي شي واحلى من حق زمان وفطروه عيالي ثاني يوم مع كاسه حليب ومره عجبهم
وهذي صوره لعيون بناات حواااء
الطريقه
العجينه انا من زماااان معتمدتها ومااشيه معايه تماام دايم انسأل عن طريقتها وهيا
كوب ماء فاتر
3 ملاعق حليب بودره
ربع كوب زيت نباتي
ملعقه كبيره سكر
ملعقه صغيره ملح
ملعقه كبيره خميره فوريه ونخلطها بالخلاط
ونضيف لها كوبين ونص دقيق كويتي وملعقه صغيره بكنج بودر ونعجنها جيدا
اسيبها 10 دقايق وارجع اعجنها من ثاني واسيبها 10 دقايق ثانيه وارجع اشكلها واخبزها
الحشوه تمر عجوه
وسلامتكم