كنت صايمة الايام البيض الحمدلله ,,وصار خاااطري بعيش السرااايا وقلت اسوويها ,,
تابعو معاي المقادير والطريقه بالخطوااان المصوره:
اولا : الشيره
2كاس سكر / ملعقة صغيره عصير ليمون/ كاس ماء مضاف له ماء الزهر ( اضفت 3 ملاعق طعام ماء زهر)
نحطهم على نار عاليه لحد مايغلي ويذوب السكر تماماً وبعدها اقصر عليه واخليه على نااار هاديه مره لحد مايثقل..
وهذا بعدمااستووت ,,,
وطعمها مع مااء الزهر رووووووعه .
ثانيا : اخذ البريد واقطع اطرافه واحمصه في التوستر واصفه بصحن واصب عليه الشيره وهي حاره علشان يتشربها لبريد كويس ..
ثالثا: الكاسترد
مثل ماهو واضح بالصور طبعا مقاديري ..
لكل كاس حليب (ملعقة طعام نشا وملعقتين طعام سكر )
وهالمقدار 3 مرات معاها علبة قشطه ..
يعني 3 كاسات حليب /3 ملاعق نشا / 6 ملاعق سكر / علبة قشطه.
كاس حليب بارد نذوب معاه النشا وكاسين حليب نضيف لهم السكر..
نحط كاسين حليب مع 6 ملاعق سكرعلى النار لحد مايغلي
ثم نضيف لهم النشا المذوب بالحليب ونحرك باستمرار دون توووقف..
ونحرك باستمرار ..
الى ان يثقل الخليط ...نطفي النار ونضيف له علبة القشطه بسرعه ونحرك حتى يمتزج مع بعض..
لاااااااااااااااااااااااحد يرد الله يخليكم ماااخلصت..
لحد مانغطي التوست كله ,,
وبعدها نزينه بالفستق وهو افضل شي مع طعمه ,,, بس للاسف مالقيت فستق .
زينته بالجوز والكاجوو..
وهذا شكلها النهااائي .
طبعا بدون ماجامل نفسي وبدون اي مدح سويتها قبل الفطور ب نص ساااعه وفطرت وطبيناا فيهاااا ..
كان طعمهاااا روووعه والكل قال لي ان ماي الزهر مع الشيره معطيها طعم غيرررر .
اتمنـــــى انكم تجربونها .
ان شا الله عجبتكم.
شكر لكل من قراء موضوعي ورد بــــــــس.
(((((اللهم فرج همي اللهم آمين ))))اتمنى كل من تقراها تقول اللهم امين.