السلام عليكم ورحمة الله وبركاته
كيس توست
كاسة زبدة تعادل قالبين رفيعة
3 علب قشطة
شيرة خفيفة
نجيب التوست ونقطع أطرافه
بعدين نطحنه في مطحنة المولونكس >> مطحنةالبصل
قبل هذه الخطوة حتى نتأكد إنو المطحنة مافيها ريحة بصل ناخذ كمية
من أطراف التوست ونطحنها وبعدين نشيلها ونطحن التوست
بعد ما نطحن كل كمية التوست
نضيف عليها كاسة الزبدة ونبدأ بعملة بس التوست
يعني نخلط الزبدة بالتوست ونفركها إلين ما تحسي إنه التوست صار متماسك
بعد كدا تقسمي التوست قسمين وتعي القسم الأول في الصينية
وتكبسيه بيدك حتى يتماسك
بعد كدا نجيب القشطة ونضيفها على التوست
طبعا كمية القشطة زي ما تحبي إذا تحبيها كثيرة كثري
وإزا تحبيها قليلة قللي يعني مو شرط الثلاث علب
بعد كدا نصيف القسم الأخر من التوست
بس هذه المرة نضيف بحذر
نرشه رش ونحاول ما نخلي كتل
نخليه طبقة واحدة
ثم ندخله الفرن ونخبزه
بعدين نحمر الوجه وكل ما تحمريه يطلع أطعم
:)
بعد ما تخرجيه من الفرن
نضيف الشيرة
ملاحظة :
لو كانت الشيرة باردة لازم نحطها على طول من يوم ما نخرج
الصينية من الفرن
أما لو كانت حارة لازم تكون الصينية باردة
و بالعافية على قلوبكم
:)
تسلم يدك حبوبة