من اسبوع سويت عيش السرايا للزوارة بيت اهلي و بيت اهل زوجي و مشاء الله حبوه و طار و طلبو مني اليوم ارد اسويه و هذه طريقتي تعلمتها من وحده سورية
المقادير
توست منزوع الاطراف
فستق مكسر
مقادير الشيره
1 كوب سكر
1.5 كوب ماء
فنجان ماء زهر
الطريقه حطي الماي على النار لما يغلي ذوبي فيه السكر و طفي النار و حطي ماي الزهر عليه
مقادير المحلبيه
4 كوب ماء
12 ملعقه حليب بودره
4 ملاعق اكل سميد خشن
علبه قيمر
4 ملاعق اكل نشاء
فنجان ماء زهر
الطريقه
خلطي المقادير السابقه كلها مع بعض و حطيها على النار مع التقليب المستتمر لغايه ما يمسك
طريقه عيش السرايا
صفي التوست بالصينيه
شربي التوست بالشيره
حطي عليها المحلبيه و زينيها بالفستق
و عليكم بالف عافيه
ملاحظه المحلبيه انا ما احط فيها سكر لان نحب تكون حلاها خفيف بس اذا حبيتي حطي سكر
Al-Farasha @al_farasha_1
كبيرة محررات
يلزم عليك تسجيل الدخول أولًا لكتابة تعليق.
أم شهد**
•
يعطيك العافيه
الصفحة الأخيرة