احب ان اطبخ اطباق تعتمد علي عدم الريحه يعني ان ما تكون فيك ريحة طبخ بتاتا
تكونين متسبحه وبرد ومالك خلق تسبحين ثانيه فهذه الاطباق منقذه في حالات الكسل من البرد ههههه عادي كسوله صايره مع الحمل ههههه
المهم طولتها وهي قصيره >>>>>>>>>> :angry2:<<< خلاص اتوب
يلااا على المطبخ يا بنات
اول شي في ماعون كبير افتحي علبتين كبار تونة النوع اللي تحبين ثم فتتيها بالشوكه
علبة لوبيا بيضاء اللي فيها نقطه سودة بالنص ( عرفتوها ) حسب الرغبه طبعااللوبيا
افرمي شدة صغيره من الكزبره الخضراء فرم ناعم
بصلتين وسط مفرومين ناعم
شدة اشبنت صغيره مفرومه ناعم
فلفل بارد مفروم ناعم
اذاتحبين الفلفل حار افرمي ناعم وحطي بعد
قليل من البهارات المشكله والملح والفلفل الاسود
تخلط جميع المكونات كلها مع بعض بدون طبخ خلط فقط
نكون غاسلين عيش ابيض بيشاور
نحط بالقدر زيت قليل ثم نضع العيش بعد ان اصفيه من الماء واحطه على الزيت ثم كميه مناسبه ماء مغلي وملح واتركه علي النار و قبل لا ينشف ماء العيش يكون رطب شوي
آخذ نص كمية العيش من القدر واحط خلطة التونة والخضرة ثم ارجع كمية العيش ( يعني يصير مثل البرياني الخلطة بالنص ) واتركه علي نار هاديه مدة ربع الي نص ساعه وثم يقدم بالعافيه
وهذه الصور سويته يوم واخذت معي لبيت اهلي والله ان اخواني يسألون منو مسوي العيش روعه وانا اقوم ارفع راسي واكشخ علي خواتي هههههه
وهذه صورة اقرب لعيونكم
وفي الاخير اتمنى انكم تجربون طبقي ويحوز على رضاكم واي سؤال انا بالقرب منكم اخواتي
جزاكم الله خير
محبتكم في الله
مسك الخالديه
:26:
تسلم يدينك
يعطيك العااافيه
من جد سهل