السلام عليكم ورحمة الله وبركاته
كيفكم يا بنات وعاد عيدكم في خير وصحة وسلامة وتقبل الله منا ومنكم
وغفر الله لنا ولكم كل زله وخطأ ونسيان في شهر رمضان,,,امين
آآه
الحمدلله الذي بفضله تتم الصالحات
ايش اقول بس : (
وربي فرحت فرح حسيت قلبي بيشق صدري ويطلع
وعشان احطكم في الصورة
ابي اوضح لكم الوضع من بدايته
قبل سنة تقريبآ ,,كان لي حاجة
طلب اطلبه من الله ان يحققه لي
كنت اطلب الله ان يكتب لي حجة سنة 1431
سنة فلونزا الخنازير....وتشجعت اكثر لما دريت ان مافي زحمة
فطلبت زوجي بالحاح ان نحج
قال : مايمديك ,الحج يبيله استعداد مو من الباب لطاق
ان شاءلله الحج الجاي نحج سوا
تقبلت كلامه و وعده بحزن كتمته في قلبي
ومرت هالسنة ولا حجيت....حاولت ما افكر بالموضوع,,وقلت السنة الجاية ان شاءلله
كنت اشوفهم (الحجاج) وهم في سعة من الله ورحمات
وكنت اقول ياحظهم,,ليتني معهم
بدأت السنة جديدة
جات سنة 1432
وصرت اذكر زوجي بـ وعده لي ..واذكره برغبتي الشديدة للحج
وكان يقولي ان شاءلله,,ان شاءلله ,الله يكتب اللي فيه الخير
جات نقلتنا لمكة ....واستبشرت خيرآ كثير,,,وقلت خلاص مابيني وبين الحج إلا شعرة
وصرت اتابع كل المقاطع اللي تخص الحج من علماء ثقة ..وكيفية الحج واجره وسننه وفرائضة واركانه
يالله كنت كل ما اتابع درس من هالدروس قلبي يكاد ينفطر ,,يزيد شوقي للحج واتحمس له كثير
لكن..!
زوجي بدأ يلمح لي بصعوبة المعيشة وبـ عدم قدرته على وزن الامور المادية (لان اول مره نسكن شقة إجار)
كان يكرر عليَّ هذا التلميح مابين فترة وفترة
الى ان جاء اليوم
وتفاجأت بزوجي يقول انا ماقدر احج هالسنة لازم اخذ انتداب الحج اللي جاني من العمل عشان اجمع إجار الشقة
ذُهلت
صٌدِمــــت
وصرت مابين المصدقه والمكذبه
مابي اصدق اني ماراح احج
مابي اصدق ان هالسنة راح تعدي كذا هبـــآآآآآآآآآآآ منثوــــر
صرت اقول له: لا الحج اهم ,,الحج فريضة ,,اهم من جمع الفلوس
العمر يمشي والصحة ماعاد هي الاوله,,,لازم نلحق على عمرنا
قال لي ماقدر يا بنت الناس ماتفهمين
لو مااخذت ها الإنتداب ماعندي ماسدد فلوس الإجار,, ولا تراك بتباتين بالشارع انتي وبناتك
فلان مو معطيني شقته اسكنها سبيل,,الرجُل يبي فلوووووسه تفهمين يبي فلوسه
قلت له وانا قلبي يتقطع
طيب نروح نحج ونطلب الله يرزقنا إجار الشقة ,,وربي راح يعطينا سؤالنا
دعاء الحاج مستجاب صدقني :44:
قال ماقدر لازم اشتغل
حزنت
بكيت
وحسيت بشعور الام الثكلى
وبعد كم يوم
سمعت ان اخوي بيحج
فطلبته احج معه,,تردد في الاول,,وماحبيت اضغط عليه
لكن عيوني كانت تفضح مابداخلي من توسل ورجاء ان يأخذني احج معه
اشفق عليَّ
وقال ان شاءلله احج انا وانتي,,,,
ورجعت استبشرت خير,,,وتحمست حماااس
ومن حماسي نزلت هالموضوع العام الماضي
نــداء لكل من منّ الله عليها بـحجة//تجي تعطي المقبلات على الحج نصائحهـا وتجربتها
وفي يوم جا اخوي لعندي زيارة وفتحنا الموضوع
وقال: ترى بنحج بدون ترخيص,,,وقام يكلمني عن الطريقة وكيف ومتى تكون
بيني وبين نفسي استصعبتها حيل,,,لكني بلعتها وقلت طيب
والكثير قال ماتقدرين وصعبة بدون حمله وتتعبي من المشي و و و ..كلام كثير
( وكنت الاحظ في كلام اخوي تردده..وبـ مجازفة الحج بدون ترخيص,,لكن مايبي يكسر بخاطري)
قمت رحت لربي
استخرت الله,,
وقلت يارب كثر الكلام ,,وبذلت الأسباب..ولا حول ولا قوة لي ولهم إلا بك
وطلبته وانا ابكي ان ييسرها لي ان كان فيها خيره وان كانت شر لي يصرفها عني
وان يعوضني بخير منها ويبارك لي فيها
ويربط على قلبي ولا اجزع ولا اسخط
فتركت امر حجتي لله
الى ان جاني اخوي وقالي
والله ياختي يمكن مالنا نصيب نحج..!
قال: فكرت بالموضوع وقلبتها لقيتها صعبة جدآ الحج بدون ترخيص صعب ,
ويعرضنا لمواقف مع امن الحجاج نحن في غنى عنها..ولو اني لحالي عزوبي بسيطة ادبر عمري
لكني ماقدر اجازف ومعي حرمة ,,,
قلت له وانا شبه مستسلمة,," خلاص ياخوي روح انت حج والله يتقبل منك..وانا ربي بيعوضني ان شاءلله,,
وانا وربي اقولها من غير زعل ولا شي بخاطري روح انت والله يوفقك"
قال لا انا ماني برايح...وبأجلها السنة الجاية مع حملة بأذن الله نحج انا وانتي
فقلت بقلب منكسر : لعلها خيره
قلت لعل ربي اراد لي سنة افضل من هذه السنة
لعل ربي له حكمة,, امنت بربي
وقتها نزلت هذا الموضوع,, وكان في الجزء الاخير من الموضوع , اتكلم فيه عن فقدي لهالفريضة بشكل إجابي
حرمة شفتها في حديقة الحيوان...( ذلك فضل الله يؤتيه من يشاء )
او يمكن كنت اواسي نفسي,,,كانت الجزئية الاخيرة فيها مؤاساة لي قبل اي احد في العالم .
( اذا القيتوا نظرة على الموضوع راح تعرفون ايش اقصد)
وكان إذانآ لي بتوديع سنة ثانية بدون حج..آآه يامر هاك اللحظات : (
دخلت علينا سنة 1433
وفي أواخر شهر ذي الحجة مع اوائل شهر محرم,,كنت ادخل على مقاطع اليوتويب
واتابع مقاطع الحجاج..وكنت احس بحسرة وقبضة بقلبي
(اخاف اكون من المحرومين من فضل الله )
حاولت اكتمها حاولت احبسها ..خفت يكون سخط,,وعدم إيمان بقدر الله
لكن غلبتني حسرتي وبكيت وانا اتابع مقاطع الحج والحجاج
وهم يبتسمون للكميرات وواضح الفرحه بعيونهم ان ريي وفقهم لـ أداء هالفريضة
والله يعلم ان بكائي ماهو إلا شوق لفريضة اخاف اموت ولا أديتها...
شوق لفريضة ارجو مغفرة ربي لي لم بدر مني طول عمري اللي مضى
ومن غير شعور كتبت لي تعليق في احدى هذه المقاطع
وخرجت من المقطع وماعاد رجعت له ,,,نسيت منه
حاله حال اي مقطع اكتب لي تعليق واخرج وانسى منه وماعاد ارجع له.
وجات فتره انتشرت هنا بالمنتدى وبكثير من المواقع حملة الراجحي لحج المجاني
وطار قلبي ..وخبرت لزوجي عنها ,,وكان نفس رده القديم لي
ما أيست
رحت خبرت اخوي
قال خلاص ذكريني بموعدهم عشان نحجز
كتبت ارقامهم ,,,وموعد قبول التسجيل في الحملة..وحفظتها عندي
ومن قبل موعد التسجيل وانا اذكر اخوي ,, واخوي يدق عليهم
لكن لا مجيب
جات فترة التسجيل في اول رمضان...
ورمضان انا بالنماص اصيف☂,,,والنت جدآ جدآ تعبان الشبكة تكح تقطيع :\
وصرت اذكر اخوي يدق عليهم
صار اخوي يدق عليهم....لكن.!
الارقام طلعت غلط مو صحيحه : (
قالي شوفي بالنت وتأكدي
قلت ياحسرة اي نت ..واتصل على بنات اختي يتأكدون لي من الرقم..وصار وارسلو لي ارقام
وارسلها لاخوي ,,رد علي بـ رساله قال: الارقام كلها غلط ,,خلاص خلاص بتصرف"
سكرت الخط وانا ماغير اقول يارب ان تيسرها
وفي 4\رمضان\1433
جاء اتصال اخوي
يـــزف لي خبر قبولي في حملة الراجحي للحج المجاني
يااااااااااااااااااااااااااااافرحت قلبي
يااااااااااااااااااااااااااااابشــرااااي
سجدت لله شكر
واخذت موعد مع مقاطع الحج ودروسة وتعاليمه وادابه ,,,
قلت إن شاءلله اول مارجع لمكة افتح على هالدروس ..واذاكرها,,عشان أدي المناسك على اكمل وجه
جاء العيد وفرحنا وعيدنا ..وكل عام انتم بخير : )
بعدها رجعت لمكة
ودخلت على اليوتويب..وانا اتصفح لفت نظري عنوان
وادخل مقطع اسمه "توقف المطاف في الحرم المكي-حج1431"
تابعته ,,,وكنت ابي اكتب تعليق
فسحبت الماوس لتحت ومريت على اول تعليق صادفني ,,فستوقفني
وانا اقرأه حسيت بشي داخلي
حسيت ان هذا التعليق مو غريب,,,,,
:::::::::::::::::::::::
يارب ارزقني حجة هذي السنة على خير
يارب اعلم اني لا استحق اكون بين عبادك الصالحين
لكن بكرمك وفضلك وجودك على اوميتك االفقيرة إليك ترجو رحمتك ان ترزقني حجة هذي السنه على خير يارب
ادعولي يا اخوان عمري قرب الاربعين وماحجيت للحين : (
wrdahss333 قبل 10 أشهر 123
::::::::::::::::::::::
يالله
هذا تعليقي ,,كلامي اللي كتبته من سنه تقريبآ
وشوف عدد اللايكات ...اللي بكثرتها رٌفع ردي,,,رفعوه عشان الكل يدعوا لي
واللي يمكن كان سبب قبولي في الحملة دعاء احدهم لي,,فستجاب ربي له
بكيت,,
ادمعت عيوني
لكن هالمره من فرح وسرور وشعور كاد يطير بي
فكانت هذي {{ عديتي من ناس لا اعرفهم ولايعرفوني,,, }}
اسال الله ان يجزي كل من كان عون لي في حجتي هذه ( لو في مثقال ذرة)
ان يجزيه الفردوس الاعلى بلا حساب ولا سابقة عذاب
واسال الله بمنه وكرمه ان ييسر لي ولكم حجة هذه السنة ويجعلها حجة بره مقبوله سهله لينه لاخطأ فيها ولا نسيان
امين
فضفضـة من
تحبكم في الله :27:
:26:
ومبروك حبيبتي
وكل تاخيرة فيها خيرة
لاتنسينا من دعواتك