بسم الله الرحمن الرحيم
السلام عليكم ورحمة الله وبركاته
بعد تشجيعكم لي بموضوعي الاول
العيش الصيني على طريقة أم الغاليين ( Fried Rice)
http://forum.hawaaworld.com/showthread.php?t=3088585
قررت أنزل طبختي الجديده
هي مالها اسم هالطبخه لأنها من ابتكاري فسميتها العيش الحنفوشي :icon28:
من غير مقدمات ركض للمطبخ
نبلش بالمقادير
دجاجه منظفه عدل ومقطعه 16 قطعه + ملح + صويا + طحين +بصل + جزر مبروش
طماط مقطع صغير + ثوم مدقوق + زنجبيل طازج مفروم + فلفل اخضر حار
بهارات : ماسالا + كركم + فلفل أسود + صبغة زعفران
نكمل باقي المقادير
معجون طماط + كاتشاب
عيش مشخول
نضيف البصل للزيت نحمره شوي
نضيف الثوم والزنجبيل نحمرهم شوي مع البصل
نجيب الدجاج المقطع نخلطه بطحين فقط بعدين نغليه بالزيت الحار
نخليه ذهبي فاتح جدا اذا خلص نشيله ونخليه على جنب ونرد للبصل والثوم والزنجبيل
نضيف على البصل الطماط والجزر والفلفل الحار نخلطهم مع بعض
نضيف البهارات والملح
نضيف معجون الطماط + الكاتشاب + الصويا
نضيف الدجاج المغلي على الخلطه نخلي الخلطه على النار لمدة ربع ساعه
أو حسسب ماتحبين مدة نضوجه نخلي الخلطه على النار ونروح للعيش ( الارز )
بنـــــــــــات لاتردون بكمل الموضوع يالغاليآآآآت
نحطه بالجدر ونشغل النار عليه ونضيف الصبغه على الوجه ( صبغة زعفران مخففه بماء
في هاذي الاثناء تكون خلطة الدجاج خلصت نجيبها ونحطها على وجه العيش
ونقصر النار ونخلي العيش لما يستوي لما يخلص نخلط الخلطه مع العيش ونقدمها
وهــــــــــــذا شكل العيــــــــش لما خلص
جربوووووووه ماراح تندمون والله يابنات روعه شوي عليه
وهذا غـدانـــا حيــــاكم الرحمــــن :angry:
يالله بروح أغسل الصحون
ملاحظه : لا أحلل من تنقل الموضوع من غير ذكر صاحبة الموضوع والمنتديات
ادعووووووووولي بالشفاء العاجل يابنات