الهنـــوفـ @alhnof_74
عضوة جديدة
عين سحر حسد شماعة يعلق عليها الفاشلين فشلهـم
شماعة ليس إلا , يعلق عليها الفاشلون فشلهم في الحياة والمحبطون إحباطهم حتى أصبح هو السبب الوحيد في كل فشل وإحباط
وجميع المشاكل بسببهم ولم يصبح للإنسان أي دور في حياته ولم يعد يمكن لومه على شيء .
اذا وحده ماتوفقت بزواجها قالوا عين
اذا واحد تخرج بمعدل كويس ماحصل وظيفه قالو عين
اذا واحد مرض قالو عين
صدم بسيارته قالو عين
اذا اذا اذا
الواحد ماينكر العين وانها حق وتكلم عنها رسولنا الكريم
لكن بهالطريقه ... بتخلينا نغفل عن الاسباب الحقيقة
يعني مثلا وحده زوجها تغير فجاه وصار مايطيق البيت ولاجلستها ولايشوفها
على طووووووول العذر موجود عين او سحر اواواو قليل الي تقول لا يمكن الغلط مني يمكن انا السبب وتبدى ترسم ببالها مين الي عطاني هالعين لافلانه لاعلانه
وهو بالحقيقة ما احد دراى عنها .
يمكن الغلط منك انتي من يدخل مكشره ومن يتكلم تنتقدينه وجو البيت كله كابة ومظهرك يسد النفس ويجيب الكابة وبعد هذا كله ماتبينه ينفر منك
وكذلك الرجل : مثل مالك حقوق على زوجتك هي أيضا لها حقوق عليك!! كل يوم تسهر ولا تأتي لمنزلك الا على أذان الفجر او قبله بقليل. تهمل مطلبات بيتك؟!ماتجلس مع زوجتك كنك مغصوب بالزواج منها وتسافر سنويا وربما أكثر من مره بالسنه بمفردك!! وتصرف الآف الريالات وتبخل على زوجتك وتعطيها بعض المال وكأنها تشحذ!!
لابد ان تكره البقاء معك!!
واذا تطلقتو بسبب كل المشاكل السبب معروف عين
ثالثا فيه بعض الحالات الي يتغير فيها الانسان يبدى يسوي تصرفات غريبه يشتكون اهله من عدوانيته المفاجئه قالو عين ولاسحر فيه شئ اسمه مرض نفسي بسبب ظغوطات الحياة والعمل واشكال وانواع منه وله اعراض
في بعض الحالات اللى يسوي حادث مروري: تلقينه سرعه زائدة وجنونيه ومكالمات بالجوال وعدم انتباه للطريق في الغالب ينتج عنه حوادث وربما وفيات!! وإحصائيات المرور الأخيرة تثبت نسب الحوادث والوفيات عالية جداً في المملكة .
كم من مشكله اقراها اعراضها مرض نفسي لكن الي يردون يمكن مسحور ولاثانيه تقول شكله عين قويه ولاولاولا
ويخلون حالته بين مسحور ومعيون ونتكس اكثر واكثر
رابعا لماتجي وحده تقول انا اخوي مثلا عدواني ولايعتزل البيت ويعتكف بغرفته قالت روحو اقرو عليه اكيد القران فيه شفاء للناس وكم من حالات وحالات تشافو منه لكن مايمنع ان الاعتماد الكلي عليه والاعتماد على الله اولا واخرا يعني يتطلب بذل الاسباب الثانيه مع هالشئ
خامسا وموضوع الزواج طبيعي كل بنت تحلم ان لها بيت ومستقبل مع زوج صالح واطفال لكن صارت كل وحده الاماندر اذا تاخر نصيبها قالت انا معيونه محسوده او محطوط لي سحر صرف الخطاب عنها طيب هل بحثتي عن الاسباب الاخرى يمكن ما احد يشوفك ولا تطلعين للناس جالسه ببيتها وتبي تنخطب او انتي مهمله مظهرك وثقافتك اشياء كثيره لازم مانتكاسل ونبحث عن السبب الحقيقي مو علطووووال عين وانثبري ببيتك بس.. لازم مانستسلم للحزان وللافكار السلبية .
زياده تروح عند معالجين ينسبون نفسهم للدين وعلى طول يعطيها الكلمه المعروفه فيك عين قويه وتصدق المسكينه
يعني اقصد تحرو القراء الصادقين مو الدجالين الي يسحبون فلوس من ورى الناس بحجه قراءة القران وتفسيراته للحالات وهو ولاعنده من العلم شئ
لذلك قبل كل شئ وقبل ماتنسبون اموركم لهالاشياء اجلسي بينك وبين نفسك حكمي عقلك وادرسي حياتك وبعدين شوفي الاسباب الحقيقية
والواحد يحافظ على الاذكار ويذكر الله بكل وقت ويعود نفسه على قول ماشاء الله ويوجه همه ودعائه لله يتصدق على المحتاج الحقيقي يحاول يمحي ذنوبه المتراكمة الي تخلي بين دعائنا وأمورنا وبين الله حاجز نحسن النيه نتقرب لله هالشئ يثق تمام الثقه ان ربي ماراح يرده
تجي وحده تقول انا احلى من بنات عمي وكلهم تزوجو مع انهم شيون طيب المقسم في السماء والنصيب بيجيك حلوه ولاشينه
ثانيا بالرغم من حلاوتك يمكنك يمكن فيه أسباب كثيرة أنتي تجهلينها وما بخثتي عن الاسباب
كلامي كثييييير ومكركب بس لاني قريت وقريت وشفت ان اغلب الناس هذا حالهم نفس مضمون موضوعي وهذا مو معناه ان فيه ناس ربي يفرجها عليهم نهائيا ماانكر لكن اتمنى ان الواحد يتروى قبل لايعطي النتائج
وبعدين اللى يخاف من العين تاكدو ان العين بنصيبه
لأنه ما توكل على الله حق توكله
ودائماً ابعدي عنكي الأفكار السلبية واقطعيها من تفكيرك نهائياً
ولا تركزين الا على الأشياء الجميلة فقط وشوفي حياتك كيف بتكون بعدها
والفرق بين التعيس والسعيد فقط بالتفكير الايجابي والسلبي مو الأموال
وتفاءلوا بالخير تجدوه
كن جميلاً ترى الوجود جميلاً
والله يشفي كل مريض ويزوج كل بنت ويرد كل زوج ويسعد كل حزين
تقبلوا تحياتي
محبتكم
22
2K
يلزم عليك تسجيل الدخول أولًا لكتابة تعليق.
العرابه
•
:42:لااااا فض فوك
يعني صح لسانك وتسلمين الحين درينا ان باقي فيه ناس بها عقول والاذكار تحمي الانسان من كل شيء مليناعييييييين حسسد نفس
لاحول ولاقوة الا بالله وازيدكم من الشعر بيت ياكثر مايتطاقون عندنا على
غسال الفناجيل يعني المحو الله يثبتنا هههههههههه:42:
يعني صح لسانك وتسلمين الحين درينا ان باقي فيه ناس بها عقول والاذكار تحمي الانسان من كل شيء مليناعييييييين حسسد نفس
لاحول ولاقوة الا بالله وازيدكم من الشعر بيت ياكثر مايتطاقون عندنا على
غسال الفناجيل يعني المحو الله يثبتنا هههههههههه:42:
الصفحة الأخيرة
بس لو تكبرين الخط شويه ^ـ^